Հայերի ցեղասպանության ընդունումը ԱՄՆ-ի վերջին նախազգուշացումն է Թուրքիային. աշխարհաքաղաքագետ Սոկոլով
ՔԱՂԱՔԱԿԱՆՈՒԹՅՈՒՆ
politexpert.net-ը գրում է, որ ԱՄՆ-ի նախագահ Ջո Բայդենը պաշտոնական հայտարարությամբ ճանաչել է 20-րդ դարի սկզբին Օսմանյան կայսրությունում տեղի ունեցած Հայոց ցեղասպանությունը: Սակայն Բայդենի ելույթը դժգոհությամբ են ընդունել Թուրքիայում: Արտաքին գործերի նախարար Մեվլութ Չավուշօղլուն ամերիկացի առաջնորդի խոսքերն անվանել է քաղաքական արկածախնդրություն, ինչը «խաղաղության և արդարության ամենամեծ դավաճանությունն է»:
Ռուսաստանի Բնական գիտությունների ակադեմիայի թղթակից անդամ, աշխարհաքաղաքագետ Կոնստանտին Սոկոլովը PolitExpert-ին տված իր մեկնաբանության մեջ, նշել է, որ այս որոշումը հեռահար հետևանքներ կունենա: Նա բացատրել է, որ եթե ցեղասպանությունը ճանաչվի միջազգային մակարդակով, ապա ամբողջ աշխարհի հայերը կցանկանան համապատասխան պահանջներ ներկայացնել Թուրքիային: Սակայն ոչ միայն նրանք լուրջ պահանջներ ունեն Անկարայի նկատմամբ:
«Հիմա Թուրքիան իրեն թույլ է տալիս ունենալ այնպիսի անկախ ծրագիր, ինչպես էքսպանսիոնիստական «Օսմանյան կայսրությունը վերականգնելու» ծրագիրն է: Այդ անկախ ծրագիրը լրջորեն խոչընդոտում է ԱՄՆ-ի ծրագրերին, քանի որ ստեղծում է անհամաձայնություն: Հետևաբար սա, կարելի է ասել, վերջին նախազգուշացումն է թուրքերին առ այն, որ նրանց անկախությունը, ԱՄՆ-ի հանդեպ անհավատարմությունը ծանր հետևանքների կհանգեցնեն»,- նշել է փորձագետը:
Նա նաև չի բացառել, որ Վաշինգտոնում Հայոց ցեղասպանության ճանաչումը կարող է հանգեցնել ՆԱՏՕ-ից Թուրքիայի դուրս գալուն: Այնուամենայնիվ, դա միակ պատճառը չի լինի: Անկարայի կողմից նման քայլի դիմելու հիմնական դրդապատճառը կարող է լինել անկախ եվրոպական պետությունների մեծ քանակը այդ կազմակերպությունում, և այն, որ ԱՄՆ-ը Անկարային մեղադրում է տարբեր սադրիչ գործողությունների մեջ, որոնց հետևանքով նրանք տառապում են, իսկ Վաշինգտոնը ստանում է քաղաքական և տնտեսական դիվիդենտներ:
«Եթե այս բացասական ամերիկյան քաղաքականությունը շարունակվի Եվրոպայի հարցում, ապա Թուրքիան այլևս շարժառիթներ չի ունենա շարունակել համագործակցությունը ՆԱՏՕ-ի հետ: Նրանք հասկացել են, որ իրենց անընդհատ կմեղադրեն որոշակի գործողությունների համար, որից կվատթարացնեն իրենց վիճակը», - եզրափակել է աշխարհաքաղաքագետը:
Նյութը հրապարակման պատրաստեց Կամո Խաչիկյանը
