Թուրքիան փոխել է իր շահերի ուղղությունը Արցախից Դոնբաս և Ադրբեջանին միայնակ է թողնում այն խառնաշփոթի մեջ, որը ինքն է եփել
ՄԻՋԱԶԳԱՅԻՆ
infoteka24.ru-ն գրում է, որ Ալիևին առայժմ հաջողվել է ստի միջոցով համոզել իր ժողովրդին, որ նրանք հաղթել են Արցախում: Ամեն օր նա դուրս է գալիս նոր կեղծ և հակասական հայտարարություններով, անմարդկային և ֆաշիստական քայլեր անում հայ ժողովրդի նկատմամբ, որոնցից մեկը Բաքվում պատերազմի ռազմավարների այգու բացումն է:
Բայց ամեն ինչ իր վերջն ունի, ուստի Ալիևը մի կողմ դնելով իր ամբարտավանությունը, երբ անցյալ տարվա դեկտեմբերին ամբողջ աշխարհի առջև անհարգալից վերաբերմունք էր ցուցաբերել ԵԱՀԿ Մինսկի խմբի նկատմամբ ցինիկաբար հայտարարելով, որ նրանց գործունեությունն անօգուտ է համարում, և որ ինքը ամեն ինչ արել է, արդեն հանդես է գալիս նոր հայտարարությամբ նրանց հրավիրել է Բաքու ակնկալելով, որ ԵԱՀԿ Մինսկի խումբը կներկայացնի իր առաջարկները տարածաշրջանում խաղաղ կյանքի հետագա հաստատման վերաբերյալ: Հարկ է նշել, որ այնպիսի հրատարակություններ, ինչպիսիք են France 24-ը, The Guardian-ը, BuzzFeed-ը, Times-ը, Bloomberg-ը, ներկայիս և նախկին քաղաքական գործիչներ և այլն իրենց վրդովմունքն են հայտնել «այգու» բացման կապակցությամբ և Ալիևին համեմատել են Հիտլերի և Հուսեյնի հետ:
Իսկ ի՞նչ է պատահել։ Ո՞ւր է կորել Ալիևը, որը մշտապես հնարավոր բոլոր ամբիոններից պատռելով կոկորդը հայտարարում է, որ վերջապես լուծել է Արցախի հարցը: Ի՞նչն է փոխվել: Ինչո՞ւ է Ալիևը օգնության հույսով այսօր դիմում ԵԱՀԿ-ին: Այս բոլոր հարցերին կա մեկ պարզ պատասխան. Ալիևի «ավագ եղբայրը», «պարոն» Էրդողանը, ունի նոր շահեր և նոր զոհ` ի դեմս Ուկրաինայի Նախագահ Վ. Զելենսկու, և իր բոլոր ջանքերը ուղղել է նոր պատերազմ սադրելու վրա՝ այս անգամ Ռուսաստանի ու Ուկրաինայի միջև: Ալիևը մնացել է առանց տիրոջ, որը կհուշեր, թե ինչ և ինչպես անել, և այդ պատճառով խուճապի մեջ է, քանի որ իրենից կարող են գողանալ «հաղթանակը», և նա կրկին դիմում է ԵԱՀԿ հույս ունենալով, որ գոնե նրանք կօրինականացնեն իր գոյություն չունեցող այդ հաղթանակը Արցախի նկատմամբ:
Նյութը հրապարակման պատրաստեց Կամո Խաչիկյանը
