Թրոմբոզ և ինտոքսիկացիա. ինչո՞վ են վտանգավոր տաք երկրները քովիդից հետո
ՀԱՍԱՐԱԿՈՒԹՅՈՒՆ
gazeta.ru-ն գրում է, որ Ապրիլի 1-ից ևս մի քանի երկրներ բացել են իրենց սահմանները ռուս զբոսաշրջիկների համար, մասնավորապես Կիպրոսը, Վենեսուելան և Շրի Լանկան: Նախկինում ռուս ճանապարհորդները կարող էին շրջագայություններ կատարել դեպի Կուբա, Մալդիվներ, Սեյշելյան կղզիներ, Թուրքիա, Եգիպտոս, ԱՄԷ, Եթովպիա, Զանզիբար, Հարավային Աֆրիկա, Բրազիլիա, Պերու, Մեքսիկա, Մարոկկո, Թունիս և Դոմինիկյան Հանրապետություն:
Մարտին Թուրքիան եղել է առաջատարը ռուսաստանցիների կողմից ամրագրումների քանակով, որտեղ չվերթները վերսկսվել են նախորդ տարի. մինչև հիմա Ռուսաստանից այդ հանրապետություն է այցելել գրեթե 1,5 միլիոն զբոսաշրջիկ:
Որպես հիշեցում, յուրաքանչյուր երկիր, որտեղ ժամանում է զբոսաշրջիկը, պետք է ունենա կորոնավիրուսի համար բացասական PCR թեստ և լրացված հարցաթերթիկ: Որոշ երկրներ անգամ պահանջում են ինքնամեկուսացում:
Միևնույն ժամանակ, ըստ բժիշկների՝ կորոնավիրուսային հիվանդությունից ապաքինված ռուսաստանցիների անմիջապես տաք երկրներ արձակուրդ մեկնելու ցանկությունը կարող է լուրջ առողջական խնդիրներ առաջացնել:
«Ցանկացած վիրուսային վարակ ակտիվացնում է իմունային համակարգը, և, հետևաբար, այն երկրներում, որտեղ շատ արև կա, կարող է զարգանալ հիվանդության ռեցիդիվ, և վիճակը կարող է էապես վատթարանալ: Արդյունքում, ավշային հանգույցները կարող են մեծանալ, և վիրուսային վարակի կրկնավարկում կարող է առաջանալ: Թրոմբոզ նույնպես կարող է զարգանալ, քանի որ վարակը վնասում է անոթային պատերը», - Gazeta.Ru-ին ասել է վարակաբան Աննա Բալանդինան:
Թրոմբոզի զարգացման ռիսկի մասին, ավելի վաղ, հայտնել էր Ռուսաստանի Դաշնության Առողջապահության նախարարության բժշկական վերականգնման գլխավոր անկախ մասնագետ Գալինա Իվանովան:
«Ոչ մի դեպքում չպետք է թռչել տաք կլիմա ունեցող երկրներ, քանի որ անհնար է երաշխավորել, որ մարդու մոտ չի զարգանա թրոմբոզ և էմբոլիա», - ասել էր նա «Իզվեստիային»:
Ըստ Իվանովայի՝ օրինակ Բալի ժամանելուն պես, զբոսաշրջիկները ռիսկի են դիմում ծախսել ոչ թե հանգստի, այլ տեղի հիվանդանոցային բուժման համար: Միևնույն ժամանակ, առողջական խնդիրները կարող են արտահայտվել ինքնաթիռում, քանի որ թռիչքի և վայրէջքի ժամանակ սրտի և արյան անոթների բեռնվածությունը մեծանում է, ասել է թերապևտ Եկատերինա Յաշինան: «Կլիմայի կտրուկ փոփոխությունը կարող է հանգեցնել թուլության, ճնշման փոփոխությունների, գլխացավերի, ինչպես նաև ջրազրկման՝ քրտնարտադրության հնարավոր թունավորման ֆոնին: Չպետք է մոռանալ, որ վիրուսը բջիջներում կարող են երկար մնալ», - հավելել է Gazeta.Ru-ի զրուցակիցը:
Կորոնավիրուսի վարակով հիվանդանալուց հետո խորհուրդ է տրվում առնվազն մեկ ամիս հրաժարվել հիպոթերմայից և գերտաքացումից, նշել է ինֆեկցիոնիստ Բալանդինան:
«Այսինքն կարելի է մեկնել ինչ որ տեղ ամենաքիչը բացասական թեստից մեկ ամիս անց կլինիկական նշանների բացակայության դեպքում», - բացատրել է նա:
Իսկ թերապևտ Յաշինը այն կարծիքին է, որ կորոնավիրուսի միջին և ծանր ձևերից հետո վերականգնման ժամանակաշրջանը կարող է տևել չորս ամսից վեց ամիս: Եթե մարդը, այնուամենայնիվ, աչք է փակում բժիշկների նախազգուշացման վրա և որոշում կայացնում COVID-19-ից հետո գնալ տաք երկրներ, նա պետք է պահպանի որոշակի կանոններ: «Կլիմայի փոփոխությունից հետո բացասական ազդեցությունները նվազեցնելու համար խորհուրդ է տրվում չափավորել արևի լույսը: Այսինքն, եթե դուք լքում եք մի տարածք, որտեղ քիչ արև կա, և գնում այնտեղ, որտեղ դա շատ է, ապա ձեզ հարկավոր է արևի լոգանք ընդունել մինչև ժամը 12.00-ն ընկած ժամանակահատվածում կամ ժամը 17.00-ից հետո, երբ արևը ավելի քիչ ակտիվ է: Պետք չէ առաջին օրվանից լողափ գնալ և ժամերով պառկել արևի տակ», - ասել է Բալանդինան:
Յաշինան, իր հերթին, կոչ է արել շատ ջուր խմել, ինչպես նաև սահմանափակել ալկոհոլի և անառողջ սննդի օգտագործումը, ինչը կարող է բացասաբար ազդել ներքին օրգանների աշխատանքի վրա:
«Պետք չէ գնալ այնպիսի վայրեր, որտեղ շատ մարդիկ կան, այնտեղ հարբել և սթրեսի ենթարկել օրգանիզմը», - բացատրել է թերապևտը:
«Պետք է հոգ տանել առողջության մասին, այցելել թերապևտին, թոքաբանին, ֆիզիկական և վերականգնողական բժշկին, նրանց հետ հարցերը պարզել»,- եզրափակել է Առողջապահության նախարարության մասնագետ Իվանովան:
Նյութը հրապարակման պատրաստեց Կամո Խաչիկյանը
