Գերմանիայում կոչ են արել գնել «Սպուտնիկ V» պատվաստանյութը «նորմալ կյանքի համար»
ՀԱՍԱՐԱԿՈՒԹՅՈՒՆ
Lenta.ru-ն գրում է, որ Գերմանիան պետք է ձեռք բերի ռուսական «Սպուտնիկ V» կորոնավիրուսի պատվաստանյութը: Այս մասին հայտարարել է գերմանական Թյուրինգիայի հողերի ղեկավար Բոդո Ռամելովը, իսկ նրա խոսքերը մեջբերել է Zeit հրատարակությունը:
Ըստ քաղաքական գործչի` Ռուսաստանից պատվաստանյութի մատակարարումը «հիանալի հնարավորություն է արագ վերադառնալ բնականոն կյանքի»:
«Ես դաշնային կառավարությանը կոչ եմ անում Եվրամիությանը հասկացնել, որ այժմ անհրաժեշտ է պատվաստանյութի պահանջվող քանակը պատվիրել «Սպուտնիկ V»-ի արտադրողներին», - ասել է նա:
Ավելի վաղ, հայտնի էր դարձել Գերմանիայից ապահովագրական ընկերության աշխատող Ստեֆան Հեյլեմանի մասին, ով ընտանիքի հետ հատուկ ինքնաթիռով մեկնել էր Ռուսաստան «Սպուտնիկ V»-ով պատվաստաստվելու համար: Դրանից առաջ Ռոբերտ Կոխի անվան ինստիտուտի Գերմանիայի պատվաստումների հանձնաժողովի ղեկավար Թոմաս Մերտենսը բարձր է գնահատել ռուս հետազոտողներին և նրանց ստեղծած «Սպուտնիկ V» կորոնավիրուսային պատվաստանյութը:
«Սպուտնիկ V»-ն կորոնավիրուսի դեմ առաջին գրանցված ռուսական պատվաստանյութն է: Այն ստեղծվել է ադենովիրուսի հիման վրա, որում ներդրվել է կորոնավիրուսի գենը: Երբ այն մտնում է բջիջներ, դրանց մեջ սպիտակուցներ են առաջացնում, որոնք առաջացնում են իմունային պատասխան և նպաստում են հակամարմինների առաջացմանըը:
ԵՄ տարածքում «Սպուտնիկ V»-ն դեռ գրանցված չէ, այժմ համապատասխան դիմումը դիտարկվում է Դեղերի եվրոպական գործակալության (EMA) կարգավորողի կողմից: Այդ իսկ պատճառով միության երկրները չեն գնում այդ պատվաստանյութը: Չնայած դրան, Սլովակիան ստացել է ռուսական պատվաստանյութի առաջին խմբաքանակը, ինչը հանգեցրել է երկրում լուրջ քաղաքական վեճերի:
Նյութը հրապարակման պատրաստեց Կամո Խաչիկյանը
