Ղրիմի պաշտոնական պատվիրակությունը պատրաստվում է Հայաստան այցելել. Մուրադով
ՔԱՂԱՔԱԿԱՆՈՒԹՅՈՒՆ
Ղրիմի պաշտոնական պատվիրակությունը Հայաստան կայցելի։ Տեղեկությունը ՌԻԱ Նովոստիին հայտնել Է ՌԴ Նախագահին կից` Ղրիմի մշտական ներկայացուցիչ, հանրապետության փոխվարչապետ Գեորգի Մուրադովը:
«Ղրիմի պաշտոնական պատվիրակության այցը նախատեսված է ապրիլի առաջին կեսին։ Սակայն այն պայմանով, որ Հայաստանում ընդունելի ու կայուն քաղաքական իրավիճակ պահպանվի», - ասել է Մուրադովը ՌԻԱ Նովոստիին տված հարցազրույցում։
Նրա խոսքով՝ Հայաստանում նախատեսվում է անցկացնել Ղրիմի Հանրապետության օրեր, որոնք նվիրված կլինեն Ռուսաստանի հետ թերակղզու վերամիավորման 7-րդ տարեդարձին:
«Խոսքը տնտեսական, գործարար, զբոսաշրջային ու մշակութային ներուժի ներկայացման մասին է», - ընդգծել է Մուրադովը:
Ղրիմը ռուսական տարածաշրջան է դարձել 2014 թվականի մարտին, այնտեղ անցկացված հանրաքվեից հետո։ Հանրաքվեում Ղրիմի Հանրապետության ընտրողների 96,77 տոկոսն ու Սևաստոպոլի բնակիչների 95,6 տոկոսը կողմ են քվեարկել Ռուսաստանի կազմի մեջ մտնելուն: Ուկրաինան նախկինի պես Ղրիմը համարում է իր, բայց ժամանակավորապես օկուպացված տարածքը։ Ռուսաստանի ղեկավարությունը բազմիցս հայտարարել է, որ Ղրիմի բնակիչները ժողովրդավարական ճանապարհով, միջազգային իրավունքին ու ՄԱԿ-ի Կանոնադրությանը համապատասխան, քվեարկել են Ռուսաստանի հետ վերամիավորման օգտին: Ռուսաստանի նախագահ Վլադիմիր Պուտինի խոսքով՝ Ղրիմի հարցը «վերջնականապես փակված է»:
