«Գոմսելմաշ»-ը ավելացնում է ագրոտեխնիկայի մատակարարումները դեպի Հայաստան
ՀԱՍԱՐԱԿՈՒԹՅՈՒՆ
belta.by-ն գրում է, որ բելոռուսական «Գոմսելմաշ»-ը ավելացնում է ագրոտեխնիկայի մատակարարումները Հայաստան: Այդ մասին belta.by-ին հայտնել են ձեռնարկությունում: Մատակարարումների ընդլայնման հեռանկարները քննարկվել են հայաստանյան պատվիրակության ձեռնարկություն կատարած այցի ընթացքում: Հայ-բելառուսական առևտրի տուն «Ար-Բե» ՍՊԸ-ի ներկայացուցիչներն այցելել են «Գոմսելմաշ» ԲԲԸ-ի հիմնական արտադրական և հավաքման արտադրամասեր և մշտական ցուցահանդես:
Կողմերն ամփոփել են 2020 թվականի համագործակցության արդյունքները և քննարկել «Գոմսելմաշ»-ի գյուղատնտեսական տեխնիկայի Հայաստան ապագա առաքումները: «Ար-Բե» առևտրի տան ներկայացուցիչները պատրաստակամություն են հայտնել ընդլայնել երկրի դաշտերում աշխատող «Գոմսելմաշ»-ի գյուղատնտեսական տեխնիկայի տեսականին:
Մասնավորապես, նրանք հետաքրքրություն են ցուցաբերել GS5A շարժական կոմբայինների, CS100 ինքնագնաց հնձիչների և FS60 անասնակերի բերքահավաք մեքենաների նկատմամբ:
««Գոմսելմաշ»-ի առաջին կոմբայնները Հայաստան են առաքվել 2020 թվականի ամռանը: GS12A1 բերքահավաք կոմբայինները ստեղծվել են հաշվի առնելով ֆերմերների ցանկությունները: 2020 թվականին նրանց աշխատանքի արդյունքներից, բերքահավաքի որակից և համապատասխան մասնագետների վերապատրաստումից, որը իրականացրել են «Գոմսելմաշ»-ի արհեստավարժ մասնագետները, Հայաստանում շատ գոհ են մնացել»,- շեշտել են ընկերությունում:
«Գոմսելմաշ» հոլդինգըը գյուղատնտեսական տեխնիկայի, կոմբայնների և այլ բարդ գյուղատնտեսական մեքենաների խոշորագույն արտադրողներից է համաշխարհային շուկայում: Ձեռնարկությունն արտադրում է հացահատիկի և անասնակերերի կոմբայններ, եգիպտացորեն և կարտոֆիլի հավաքող մեխանիզմներ, հնձիչներ և այլ գյուղատնտեսական տեխնիկա:
Նյութը հրապարակման պատրաստեց Կամո Խաչիկյանը
