Մասնագետը նշել է՝ ինչպես կարելի է տարբերել COVID-19-ը սուր շնչառական վիրուսային այլ վարակներից

Գրեթե բոլոր վիրուսային վարակիչ հիվանդություններն էլ կարելի է շփոթել COVID-19-ի հետ, սակայն այնուամենայնիվ կան որոշակի տարբերություններ, որոնք թույլ են տալիս տարբերել կորոնավիրուսային վարակն այլ հիվանդություններից։ Բժիշկ վարակաբան Սերգեյ Վոզնեսենսկին ներկայացրել են այն ախտանշանները, որոնք կօգնեն տարբերել շնչառական համակարգի սուր վարակիչ վիրուսային հիվանդությունները կորոնավիրուսային վարակից։

Մասնագետի խոսքով՝ սուր վարակիչ վիրուսային բոլոր հիվանդություններն ունեն երկու ընդհանուր ախտանշան, որոնք են շնչառական համակարգի որևէ հատվածի ախտահարումն ու օրգանիզմի ինտոքսիկացիայի մասին վկայող համախտանիշի ի հայտ գալը։ Այս երկրորդ ախտանշանը դրսևորվում է գլխացավով, մարմնի ընդհանուր ցավով ու մարմնի ջերմաստիճանի բարձրացմամբ։

Ինչ վերաբերում է կորոնավիրուսային վարակին, ապա այն նույնպես ախտահարում է շնչառական համակարգը, սակայն ի տարբերություն մյուս հիվանդությունների այն մի փոքր այլ կերպ է դրսևորվում։ Ինչպես նշում է մասնագետը, COVID-19-ը առավել հաճախ ախտահարում է քթի խոռոչն ու թոքերը, մինչդեռ սուր վարակիչ վիրուսային այլ հիվանդությունները սովորաբար ախտահարում են շնչառական տրակտի ամենատարբեր հատվածները, ինչի հետևանքով էլ խանգարումները տարբեր են լինում և կարող են նմանվել քթաբորբին, ֆարինգիտին, լարինգիտին, տրախեիտին կամ բրոնխաբորբին։ 

Դրսևորումների այս տարբերությունները թույլ են տալիս տարբերել այդ հիվանդությունները միմյանցից, մինչդեռ ինտոքսիկացիոն համախտանիշը ինչպես հասարակ ռեսպիրատոր վարակների, այնպես էլ քովիդի դեպքում գեթե նույնն է լինում, ուստի դրա միջոցով հիվանդությունները տարբերել չի հաջողվի։

Այնուամենայնիվ մասնագետն ընդգծում է, որ ճիշտ ախտորոշման համար հարկավոր է անպայման լաբորատոր հետազոտություն անցնել ու հանձնել համապատասխան թեստերը։