Ինչ են գուշակում աստղերը. ֆինանսական հորոսկոպ 2021-ի համար
ՀԱՍԱՐԱԿՈՒԹՅՈՒՆ
Տարվա հովանավոր Սպիտակ Ցուլը հարգում է նրանց, ովքեր հասուն են մոտենում գումար վաստակելու ընթացքին և բարեհաճ կլինի նրանց հանդեպ, ովքեր պատրաստ են շատ ուժ ներդնել աշխատանքի համար։
Խոյ
Խոյերն ինքնին հակասութուն են։ Մի կողմից նրանց էներգիան բավարարում է գումար վաստակելու և խնայելու համար, մյուս կողմից եթե նրանց հանկարծ ինչ-որ բան հարկավոր լինի, նրանք պատրաստ են հանել իրենց ու հարևանի վերջին շապիկը, միայն թե ստանան ամենը։ Եթե 2020-ի հովանավորը՝ Առնետը, հանդուրժողական է այսպիսի անսպասելի ծախսերի հանդեպ, 2021-ի հովանավոր Ցուլը նման բան թույլ չի տա։ Ստիպված կլինեք սովորել խիստ կարգապահության ու ծրագրելու։ Փոխարենը հաջողությունը կարող է բիզնես բերել, որը կնախաձեռնեք «պարզապես փորձելու» համար։ Անշարժ գույքի, տարածքների, փոխառությունների հատ կապված ցանկացած գործարք ավելի լավ է հետաձգել։
Ցուլ
Ցուլը վաղուց արդեն ֆինանսապես պաշտպանված կլիներ, եթե սովորեր սկսածն ավարտին հասցնել։ Ցուլերը սուր միտք ունեցող, տաղանդավոր գործարարներ են, սակայն նրանց չի բավականացնում համբերությունն ու համառությունը։ Փորձեք գոնե կես տարով հրաժարվել սովորական հաճույքներից և կենտրոնանալ ֆինանսական կապիտալ վաստակելու վրա։ Հաջող գործարքների համար առավել լավ շրջան կլինի ամռան կեսերը։ Բացի այդ՝ հարկավոր է շատ ուշադիր լինել մտերիմ ընկերների հետ գործընկերության հարցում։ Բացառված չէ, որ նրանցից մեկի անփութությունը կարող է ֆինանսական մեծ սխալի գին ունենալ, որի հետևանքները ստիպված կլինեք երկար հաղթահարել։
Երկվորյակներ
Երկվորյակներին բնորոշ է ժամանակից շուտ խուճապ բարձրացնել։ Բիզնեսի համար մի կողմից լավ է ամբողջ ընթացքում պատրաստ լինել ամեն ինչի, մյուս կողմից լրջորեն կանգնեցնում է հեռուն գնացող պրոցեսները. եթե երկարաժամկետ ֆինանսական ծրագիր եք կազմել, խուճապի մատնվելը վերջին գործն է։ Գործարար միջավայրում պատահում են տարբեր բաներ, կարևոր է ճիշտ գուշակել ուղղությունն ու սովորել դիմացկուն լինել։
Գրասենյակային աշխատանքով զբաղված Երկվորյակներին աստղերը խորհուրդ են տալիս չփորձել գերազանցել իրենց, ավելի լավ է փորձել եկամտի այլընտարանքային աղբյուրներ որոնել։ Ցանկացած ոլորտ, որը կփորձեք, գուցեև ձեզ չհարստացնի, բայց կօգնի լավ վաստակել։
Խեցգետին
Զգուշավոր և տնտեսող Խեցգետինն՝ ի դեմս տարվա հովանավորի, իսկական ընկերոջ կգտնի, ամենուր նրան հաջողություն կժպտա։ Կենդանակերպի այս նշանի ներկայացուցիչները նույնիսկ կարող են ստանալ վաղուց մոռացված գումարը և կկարողանան հաջողությամբ ներդնել այն։ Խեցգետինները կկարողանան բազմաթիվ օգտակար գնումներ կատարել, վերանորոգում անել և կահույք գնել։ Սակայն այս դեպքում կարևոր է, որ Խեցգետինները չտարվեն այս ամենով. ֆինանսական հոսք զգալով՝ կենանդանակերպի այս նշանի ներկայացուցիչները ցանկություն կունենան շատ մեծ գումար վաստակել, ինչն արդար Ցուլը չի սիրում։ Չափից շատ ջանքեր մի գործադրեք. օգնեք մտերիմներին և այդ գումարը ներդրեք երեխաների տաղանդի զարգացման համար։
Առյուծ
Առյուծը սովոր չէ իրեն սահմանափակել, նրանք առաջնորդվում են «ուզում ես ապրել հարուստի նման, մտածիր ու գործիր հարուստի նման» նշանաբանով։ Ըստ ամենայնի՝ այդ փիլիսոփայությունը հաջող է, կենդանակերպի այս նշանի ներկայացուցիչները գրեթե միշտ գումար ունեն։ 2021-ը բացառություն չի լինի։ Առյուծները կարող են նոր բիզնես սկսել կամ աշխատանքում լուրջ առաջխաղացում ունենալ, ինչը կօգնի լրջորեն բարելավել կենսամակարդակը։ Առյուծները վաստակած գումարը կծախսեն կա՛մ շքեղ նվերի, կամ էկզոտիկ ճամփորդության վրա։ Միակ բանը, որի հետ կենդանակերպի այս նշանի ներկայացուցիչները պետք է զգույշ լինեն, ազարտային խաղերն են։
Կույս
Կենդանակերպի այս նշանի ներկայացուցիչների շարքում միլիոնատերերն ամենաշատն են։ Պատճառը ռացիոնալությունն է, շրջահայացությունն ու համակարգվածությունը։ Նրանք խելամիտ են վարվում եկամտի հետ, կարողանում են սակարկել, գումար վաստակել և խնայողություններ անել։ Նույնիսկ եթե Կույսերը խաղթեն վիճակախաղում, նրանք կապրեն նույն համեստությամբ, ինչպես նախկինում։ Եվ այդ փիլիսոփայությունը դուր է գալիս տարվա հովանավորին։ Ինչ էլ ձեռնարկեն Կույսերը, նրանց հաջողություն է սպասվելու։ Բացի այդ՝ ամռան ավարտին ծրագիր կհայտնվի, որը կենդանակերպի այս նշանի ներկայացուցիչներին թույլ կտա ներդրում կատարել, իսկ տարվա ավարտին՝ մեծ եկամուտներ ստանալ։
Կշեռք
Կշեռքները հիանալիորեն կարողանում են ցույց տալ, որ բարեկեցիկ վիճակում են. երբեք չես հասկանա՝ նրանք հարուստ են, թե աղքատ, ինչից էլ միշտ հարց է առաջանում՝ նրան այդքան ձգտում են իրականություն դարձնել նոր նախագիծը, քանի որ ուտելու ոչինչ չունեն, թե այդքան ոգևորված են գաղափարով։ Նրանք միշտ առատաձեն են և պատրաստ տալ վերջինը, եթե դրա կարիքը լինի։ Դա նրանց համար կարող է բացասական լինել 2021-ին։ Կգտնվեն մարդիկ, որոնք կորոշեն օգտագործել դա, այդ պատճատով Կշեռքները ստիպված կլինեն սովորել ավելի խիստ լինել։ Ցլի տարում հարկավոր է ավելի շատ վստահել ինտուիացիային, որի հուշումները միշտ ճիշտ կլինեն։
Կարիճ
Կարիճները լավ գործարարներ են, իսկ գումարը նրանց համար ընդամենը նպատակին հասնելու միջոց է։ Հենց նրանք միջոցներ ունենան, անմիջապես շրջանառության մեջ են դնում։ Նրանք վստահ են, որ եկամուտ միշտ էլ կստանան, նույնիսկ եթե շրջապատում մարդիկ դրա արդյունքում սնանկանում են։ Այս վստահությունը 2021-ին կարող է բազմաթիվ տհաճություններ պատճառել, երբ Կարիճները որոշեն մեծ գումար ռիսկի ենթարկել։ Կարող է նաև պատահել, որ Կարիճները ստիպված լինեն փոխառություններ վերցնել։ Սակայն տարվա արդյունքներով՝ նրանք, միևնույն է, լավ վիճակում կլինեն։
Աղեղնավոր
2021-ին Աղեղնավորները կբացահայտեն իրենց պահուստային ուժերը, որոնք կարող են օգնել լրջորեն առաջ գնալ։ Նորարարական որևէ գաղափար կամ նոր բիզների նախագիծ նրանց թույլ կտա արագորեն գումար վաստակել դրանով և լավ պարգևավճար ստանալ։ Սեղնավորներին կարող են խանգարել միայն իմպուլսիվությունը և հետևողականության բացակայությունը։ Այդ պատաճառով ցանկացած նախագիծ սկսելուց առաջ ավելի լավ է ծրագիր կազմել և հետևել դրան։ Սա հնարավորություն կտա չտրվել տրամադրությանը և սխալ քայլեր չանել։ Փորձեք հրաժարվել ավելորդ ծախսերից։ Իրերի մեծ մասը, ինչի վրա գումար եք ծախսում, ձեզ անհրաժեշտ չէ։
Այծեղջյուր
Վերջին տարիների ընթացքում այնքան եք շտապել հասնել ձեր նպատակներին, որ բոլորովին մոռացել եք ընթացիկ խնդիրների լուծման մասին։ Ցլի տարին ժամանակ է, երբ հարկավոր է լրջորեն զբաղվել դրանով։
Վերանորոգման մասին վաղեմի երազանք, մուշտակի գնում, ատամների բուժում կամ նոր մեքենա. համարձակորեն լուծեք այդ խնդիրները 2021-ին։ Ընդ որում, ձեր էներգետիկ տրամադրվածությունը թույլ կտա արագորեն լուծել դրանք։ Փորձեք կրճատել ժամանցին ուղղված ծախսերը։ Խոսքն ավելի շատ ոչ թե անիմաստ ծախսերի, այլ էներգիան վատնելու մասին է։ Հարկավոր է ուժ ու իմաստություն կուտակել հաջորդ տարվա համար։ Ձեզ նոր ֆինանսական բարձունքներ են սպասվում։
Ջրհոս
Ջրհոսների կյանքում առատությունն ուղղակիորեն կապված է մարդկանց հետ լավ կոմունիկացիաների հետ, քանի որ նրանց միջոցով կենդանակերպի այս նշանի ներկայացուցիչները գումար են ստանում։ Եթե Ջրհոսը կարողանում է գործնական կապեր հաստատել, ընկերություն անել, հեշտությամբ հարթել կոնֆլիկտները, գումար կունենա։ Իսկ եթե չի սիրում համաձայնության գալ, միայնակ չի կարողանա հաղթահարել։ 2021-ին այդ միտումն առավել ակնհայտ կդառնա։
Սակայն տարվա հովանավորը հանդուրժողական է ծայրահեղությունների նկատմամբ և այս նշանի ներկայացուցիչներին հնարավորություն կտա փոխել կարծիքը։
Ձկներ
2021-ին Ձկներին խելահեղ գումարային հեռանկարներ են սպասվում, եթե բաց թողնեք թեկուզ մեկը, հետո կզղջաք։ Սակայն կարևոր է չլռել, կիսվել սեփական մտերքով ու ծրագրերով։ Դա կարող է հանգեցնել նրան, որ անիրական թվացող նախագիծն արագորեն իրականություն դառնա։ Սակայն հարկավոր է նրբանկատ լինել մյուսների ծրագրերի նկատմամբ։
Ձկներին, որոնք վարձու աշխատողներ են, տարին կարիերայի նոր հաջողություններ է խոստանում։ Այլ ծրագրեր կհայտնվեն, հեռանկարներ, որոնց մասին նույնիսկ չէիք մտածում։ Մի վախեցեք, որ չեք կարողանա։ Տիեզերքը դա ձեզ համար է պատրաստել։
