Իշչենկոն գնահատել է Կովկասում նոր սադրանքների հնարավորությունները
ՔԱՂԱՔԱԿԱՆՈՒԹՅՈՒՆ
polit.info-ն գրում է, որ ըստ «Ռուսաստանն այսօր» հրատարակության վերլուծաբան Ռոստիսլավ Իշչենկոն գրել է, որ Հայաստանի պատերազմում պարտությունից հետո երկրի ներսում և դրա շուրջ ստեղծվել է բարդ իրավիճակ, ապակայունացում պետք չէ ոչ մեկին, բացի ընդդիմությունից, որը փորձում է պաշտոնից հեռացնել Հայաստանի վարչապետ Նիկոլ Փաշինյանին։ Միևնույն ժամանակ, փորձագետը նշել է, որ հայկական ընդդիմությունը չունի բավարար ներքին ռեսուրսներ Փաշինյանին տապալելու համար, և դրա համար անհրաժեշտ է գոնե ինչ-որ արտաքին աջակցություն, առնվազն բարոյական:
Ստանալով այդպիսի աջակցություն` ընդդիմությունը կարող էր հույս ունենալ իր շարքերը համալրել, բայց փաստն այն է, որ արտաքին դերակատարներից և ոչ մեկին պետք չէ Կովկասում նոր ապակայունացում, և առաջին հերթին Ռուսաստանը ապակայունացման կարիք չունի:
«Ռուսաստանը թույլ չի տվել ավելի խորը աղետ և թույլ է տվել Հայաստանին գոնե մասամբ փրկել դեմքը, պահպանելով Լեռնային Ղարաբաղի տարածքի մեծ մասը, և Ռուսաստանը Ադրբեջանի և Թուրքիայի կողմից այդ համաձայնագրերի կատարման հիմնական երաշխավորն է»,- հիշել է քաղաքագետը:
«Բացի այդ, Ռուսաստանը, նպաստելով խաղաղության պայմանագրի կնքմանը, ամրապնդել է իր դիրքերը Անդրկովկասում, և Երևանը ստիպված է հաշվի նստել դրա հետ: Հայ քաղաքական գործիչները կարող են սիրել Եվրոպան կամ մեկ ուրիշին, բայց նրանք դեռ ստիպված են ապրել Ռուսաստանի հետ,- ընդգծել է Իշչենկոն,- բացի այդ, հայկական ընդդիմությունը չի կարող հույս դնել ԱՄՆ-ի օգնության վրա, քանի որ ինքը՝ Նիկոլ Փաշինյանը, ժամանակին իշխանության է եկել որպես Արևմուտքի հովանավորյալ: Եվ նույնիսկ եթե ԱՄՆ-ը որոշի տապալել «իր իսկ արարածին», ապա նա չունի բավարար ռեսուրսներ Անդրկովկասում ինքնուրույն գործելու համար, քանի որ նախկինում միշտ հույսը եղել է Թուրքիան, բայց հիմա Թուրքիան, մեղմ ասած, բարեկամական չէ Ամերիկայի հետ, և շահագրգռված չէ տապալել Փաշինյանին»:
Միևնույն ժամանակ, ընդդիմությունը կարող էր հույս դնել դրսից Փաշինյանին տապալելու բարոյական աջակցության վրա միայն այն դեպքում, եթե նախապես համաձայնվի Ղարաբաղի հարցով վարչապետի կողմից Ադրբեջանի հետ ստորագրված խաղաղության համաձայնագրի արդյունքների հետ: Բայց ընդդիմությունը չի կարող դրան համաձայնել, քանի որ այդ դեպքում նրանից երես կթեքի հայ հասարակության այն մասը, որը Փաշինյանին համարում է դավաճան, որը հանուն իր կարիերայի զոհաբերել է երկրի շահերը:
Այսպիսով, ըստ Իշչենկոյի եզրակացության, ստեղծվել է գրոտեսկային իրավիճակ. Ղարաբաղում կրած պարտությունը, որի պատճառով Նիկոլ Փաշինյանը գրեթե կորցրել էր վարչապետի աթոռը, այժմ ժամանակավորապես ամրապնդել է հենց իր դիրքերը:
Նյութը հրապարակման պատրաստեց Կամո Խաչիկյանը
