Լոգիստիկայի բարդություններ. Թուրքիայի ՊՆ-ում հայտնաբերել են Ղարաբաղ զորք ուղարկելու երթուղու բարդություններ
ՔԱՂԱՔԱԿԱՆՈՒԹՅՈՒՆ
topwar.ru-ն գրում է, որ թուրք ռազմական փորձագետները նշում են, որ այն բանից հետո, երբ խորհրդարանը հաստատել է Նախագահ Էրդողանի հրամանագիրը Ադրբեջան և մասնավորապես Ղարաբաղ զորակազմ («խաղաղապահ») ուղարկելու մասին, Անկարայում որոշակի վեճեր են ծագել: Դրանք կապված են ոչ թե կոնտինգենտը մտցնելու կամ չմտցնելու, այլ այն իրականացնելու երթուղու հետ:
Թուրք զինվորականների տեղափոխման ծախսերը նվազեցնելու համար առաջարկվել է ցամաքային ճանապարհի օգտագործման տարբերակը: Սակայն այդ տարբերակը անմիջապես քննադատվել է: Եվ իսկապես կան մի շարք պատճառներ: Լոգիստիկական դժվարություններ չկան, եթե, իհարկե, խոսքը ռազմական զորակազմի շատ սահմանափակ տարբերակի մասին է, օրինակ՝ մի քանի տասնյակ դիտորդների: Բայց եթե մի քանի տասնյակ դիտորդներ լինեն, դժվար թե Թուրքիայի նախագահին պետք լիներ դա համաձայնեցնել խորհրդարանի հետ: Ակնհայտորեն զորակազմն ավելին է լինելու ...
Փաստն այն է, որ Թուրքիան և Ադրբեջանը ունեն ընդհանուր սահմանի շատ փոքր հատված, որը գտնվում է Թուրքիայի Իգդիր նահանգի և Ադրբեջանի Նախիջևանի Ինքնավար Հանրապետության հանգույցում: Եթե թուրքական զորքերը գնան այդ ճանապարհով, նրանք պետք է Նախիջևանից անցնեն կամ Հայաստանի, կամ Իրանի տարածքով: Բայց Թուրքիայի ՊՆ-ի խնդիրն այն է, որ այս պահին Թեհրանի, առավել ևս Երևանի հետ համաձայնություններ չկան իրենց տարածքներով թուրքական ռազմական կոնտինգենտի տեղափոխման վերաբերյալ:
Բայց այստեղ Ռուսաստանը կարող է առաջարկել իր «օգնությունը». օրինակ Նախիջևանի Ինքնավար Հանրապետությունում Անկարայի կողմից այդքան ցանկալի խաղաղարարական կենտրոն ստեղծել: Իհարկե, դա Ղարաբաղը չէ, բայց ի վերջո Ադրբեջան է ...
Այդ կապակցությամբ դիտարկվում է մեկ այլ երթուղի հարևան պետության միջով: Վրաստանն է այն պետությունը, որտեղից կարելի է մուտք գործել ադրբեջանական Գյանջա: Թուրքական զորաբանակը ստիպված կլինի տեղափոխվել վրացական Գորիով և Ռուսթավիով: Այնուամենայնիվ, առաջին հերթին դեռ տեղեկություն չկա այն մասին, թե արդյոք Վրաստանը պատրաստվում է թուրքերին տալ նման ցամաքային միջանցք, և երկրորդ հերթին դա շուտ ու շատ ավելի թանկ է: Այս առումով, մի քանի օր առաջ սոցցանցերում հայտնված բոլոր այն կադրերը առ այն, որ անիվավոր քարշակների վրա զրահամեքենաների թուրքական շարասյուններն արդեն տեղափոխվել են Ադրբեջան, մեղմ ասած, իրականությանը չեն համապատասխանում: Բացի դա Թուրքիայի ՊՆ-ում ցամաքային երթուղիների հակառակորդներ կան, որոնք նախընտրում են օդային երթուղին: Ճիշտ է, այս դեպքում ևս պետք է բանակցել կամ Հայաստանի հետ (ինչը բոլորովին հավանական չի թվում), կամ Վրաստանի, կամ Իրանի հետ:
Եվ, այնուամենայնիվ, Անկարան հասկանում է, որ այդ հարցում իր հույսը Վրաստանն է: Նախկինում հենց Վրաստանի օդային տարածքով էին թուրքական ինքնաթիռները մտել Ադրբեջան (վարժանքներ անցկացնելու համար, որից հետո Թուրքիայի ռազմաօդային ուժերի F-16- երը մնացել են Ադրբեջանի տարածքում):
Առանձին հարց է այն, որ երբ թուրքական «շարասյուները» հասնեն Ադրբեջան, արդյո՞ք նրանք կկարողանան ուղիղ մեկնել Լեռնային Ղարաբաղ, որտեղ արդեն ռուս խաղաղապահներն են: Միանգամայն ակնհայտ է, որ Էրդողանը ցանկանում է հենց այնտեղ ուղարկել իր «խաղաղապահներին» ...
Նյութը հրապարակման պատրաստեց Կամո Խաչիկյանը
