Թեստ. ընտրեք մարդու, որը ձեզ մոտ հակակրանք է առաջացնում
ՖՈՏՈ
Այս թեստը 20-րդ դարում պատրաստել է հունգարացի հոգեբույժ Լեոպոլդ Սոնդին: Դրա հիմնական նպատակը եղել է ամենախորը ներքին իմպուլսները, որոնք գտնվում են անհատի տիրապետության տակ, բացահայտելը:
Թեստի հիմքում հակակրանքի կամ, հակառակը, համակրանքի զգացողությունն է՝ լուսանկարներում պատկերված մարդկանց նկատմամբ: Սոնդին կարծում էր, որ մեր այն գծերը, որոնք մեզ նյարդայնացնում կամ, հակառակը, գրավում են, մենք հակված են տարածել շրջապատի վրա:
Նայեք այս 8 հոգու դիմանկարները եւ ընտրեք նրանց, ում դուք հաստատ չէիք ուզենա հանդիպել երեկոյան մութ անկյունում, քանի որ նրա արտաքինը տհաճություն է առաջացնում կամ վախեցնում է: Հիմա կարող եք իմանալ բնութագիրը՝ ըստ ընտրված դիմնակարի:
Պետք չէ սխալ մեկնաբնել թեստի արդյունքները: Դրանք բոլորվին չեն նշանակում, որ դուք հոգեկան խնդիր ունեք: Միակ բանը, որի համար այն ստեղծվել է, ներքին՝ ճնշված իմպուլսներն ու պոռթկումները բացահայտելն է՝ ըստ հոգեվերլուծական տեսության:
Իրականում թեստը կազմված է 6 սերիայից՝ 8 դիմանկարով, որոնցից յուրաքանչյուրում ներկայացված են հոմոսեքսուալիստ, սադիստ, էպիլեպսիկ, կատատոնիայով տառապող, շիզոֆրենիկ, մոլագար եւ դեպրեսիայով տառապող մարդիկ: Այստեղ ներկայացվում է ավելի կարճ, հնարավոր է՝ ոչ այնքան ճշգրիտ տարբերակը:
Թեստի վերծանում.
1. Սադիստ
Հավանական է, որ մանկության տարիներին դուք ձեր վարքագծում ճնշել եք ավտորիտարիզմի դրսեւորումները, գերկայելու ձգտումն ու այլ վատ հակումներ: Եթե դուք ընտրել եք այս ուսուցչի դիմանկարը, ապա դուք ենթագիտակցաբար ճնշում եք շրջապատի նկատմամբ վիրավորական եւ նվաստացուցիչ պոռթկումները:
Ընդհանուր առմամբ՝ դուք խաղաղ ու անվնաս մարդ եք, պատրաստ՝ օգնելու ուրիշներին: Եթե դուք գրասենյակային աշխատող եք, ապա ձեր ղեկավարի համար դժվար է ձեզ կառավարել: Եթե դուք չեք ուզում ինչ-որ բան անել, արհեստական խոչընդոտներ եք ստեղծում: Դժվարությունների դեպքում դուք պասիվ դիմակայության դիրք եք ընդունում, որն, ի վերջո, հոգնեցնում է ձեր խնդիրների աղբյուրին:
2. Էպիլեպսիայով տառապող
Խոսելով ուղեղի խանգարում ունեցողների մասին՝ պետք է նշել, որ նրանց բնորոշ գծերն են իմպուլսիվությունը, գրգռվածությունը, հանկարծակի պոռթկումներն ու ագրեսիան: Եթե այս կլոր գլխով տղամարդը ձեզ մոտ վախ կամ հակակրանք է առաջացնում, ապա, ամենայն հավանականությամբ, մանկության տարիներին դուք հենց վերը նշված զգացողություններն եք ճնշել:
Ամենայն հավանականությամբ, դուք բարի ու խաղաղասեր մարդ եք: Դուք պատասխանատու մարդու տպավորություն եք թողնում, որն ունակ է ինքնավերահսկման:
3. Կատատոնիայով տառապող
Հոգեկան այս խանգարմանը բնորոշ են երեւակայության խթանումն ու նեգատիվիզմը: Եթե ձեզ մոտ բացասական զգացողություններ է առաջացրել այս տղամարդը, ապա ձեր մեջ ճնշվել է մտավոր հիպերակտիվությունը, որին եթե շատ հեռու չուղարկես, կարող է ստիպել կորցնել իրականության հետ կապը:
Ձեր բնույթով դուք պահպանողական եք, կասկածով եք վերաբերվում փոխություններին ու նորարարություններին: Դուք անվստահ եք, երկչոտ, դժվարությամբ ենք հարմարվում նորին: Ձեր ամենամեծ վախը ինքնատիրապետումը կորցնելն է:
3. Շիզոֆրենիկ
Շիզոֆրենիկի անձը տարբերվում է ուժեղ ապատիայով, մտքի խեղաթյուրումներով եւ անտեղի զգացմունքների դրսեւորումներով: Եթե այս քարե դեմքը ձեզ մոտ տհաճություն է առաջացնում, ապա, մանկության տարիներին դուք ճնշել եք անտարբերությունը:
Որպես մարդ, դուք շփվող եք, հավատում եք հաղորդակցության ուժին: Միժամանակ այդ շփվողականությունը կարող է խաբուսիկ լինել, իսկ դրա ետեւում կարող է թաքնված լինել ինքնամփոփ մարդը: Մարդկանց հետ ձեր հարաբերությունները հաճախ մակերեսային են լինում, եւ հոգու խորքում դուք զգում եք, որ շրջապատի մարդիկ ձեզ ամենեւին էլ պետք չեն, ինչպես պետք չեն նրանց հետ փոխհարաբերությունները:
4. Հիստերիկ
Հիստերիկի գծերն են մակերեսայնությունը, էմոցիոնալ անկայունությունը, նարցիսիզմը: Եթե հենց այս տարօրինակ կինն է ձեզ մոտ հակակրանք առաջացնում, ապա հնարավոր է այն պատճառով, որ դուք հոգու խորքում թաքցնում եք ձեր նկատմամբ ուշադրություն գրավելու եւ ինքնահաստատվելու ձգտումները:
Դուք համեստ, ուժեղ ներաշխարհով մարդու տպավորություն եք թողնում: Սակայն իրականում հանգիստ մարդու ետեւում թաքնված է շրջապատին զարմացնելու եւ գրավելու անհանգ ցանկություն ունեցող անհատը: Դուք ժամանակ եք հատկացնում ձեր վարքագծին ու արտաքինին, փորձում եք էլեգանտ տեսք ունենալ: Այնպիսիք, ինչպիսին դուք եք, եզակի կամ անսովոր մասնագիտություններ կամ հոբբիներ են ունենում:
6. Դեպրեսիայով տառապող
Ցածր ինքնագնահատական, թերարժեքության բարդույթ եւ մեղքի ցգացողություն. սրանք են դեպրեսիայի հիմնական ախտանշանները: Եթե ձեր ընտրությունը կանգնել է հենց այս մարդու վրա, ապա, ամենայն հավանականությամբ, հոգու խորքում դուք տառապում եք դեպրեսիայով եւ փորձում եք վերահսկել այն:
Դուք ակտիվ եք, վստահ եւ լի լավատեսությամբ: Բայց երբեմն դուք կարող եք ներփակվել ու դառնալ կասկածամիտ: Այն, որ դուք փորձում եք «թաղել» դեպրեսիվ պոռթկումները, ձեզ ստիպում է ստանձնել համընդհանուր հոգեբանի դեր եւ սկսել ուրիշի խնդիրներին պատասխաններ փնտրել:
7. Մոլագար
Մոլագարին բնորոշ գծերն են՝ գերգրգռվածություն, իր անձի գերագնահատում, զգացմունքներն ու փողերը քամուն տալու հակվածություն: Եթե ձեզ ամենատհաճը հենց այս դեմքն է թվացել, սա նշանակում է, որ հրճվանքի զգացողությունը ձեզ մոտ կարող է վերածվել մեծարման, իսկ այնտեղից դեպի միստիկա՝ հեռու չէ:
Դուք չեք սիրում սադրանքներ ու աղմուկ: Կյանքում դուք ողջախոհության եւ զսպվածության մարմնացում եք: Լինելով պրակտիկ եւ իրատես՝ դուք միշտ վերահսկում եք ձեր վարքագիծը:
8. Դիսոցիատիվ խանգարում ունեցող
Այս խանգարմանը բնորոշ է այն, որ մի մարդու մեջ, կարծես, առնվազն երկու եւ ավելի անհատ է ապրում, որոնցից յուրաքանչյուրը սեփական հայացքն ունի կյանքի նկատմամբ: Եթե ձեզ վախեցրել է այս կինը, ապա մանկության տարիներին, դուք, հավանական է, ինքնորոշման խնդիր եք ունեցել:
Կյանքում դուք հակված եք հստակ տարանջատել սեռերը՝ կինը՝ կին է, տղամարդը՝ տղամարդ: Այդ առանձնահատկությամբ տղամարդիկ ձգտում են միշտ եւ ամենուր մաչո լինել, իսկ կանայք՝ կանացիության մարմնացում:
