Արտառոց դեպք. 16-ամյա ուսանողուհին մի քանի ամիս հետո հիշեց, որ իրեն կուսությունից զրկել են
ՊԱՏՄՈՒԹՅԱՆ ԱՅՍ ՕՐԸ
SHAMSHYAN.com-ի տեղեկություններով՝ Հայաստանի քննչական կոմիտեում նյութեր են նախապատրաստվում երեկ՝ սեպտեմբերի 1-ին 16-ամյա Մ. Խ.-ի դիմումի կապակցությամբ:
Ինչպես հայտնում է ֆոտոլրագրող Գագիկ Շամշյանը, վերջինս հայտնել է, որ 2015 թ-ի մայիսի 1-ին 27-ամյա Ա. Լ.-ն ամուսնանալու պատրվակով իրեն խաբել և սեռական հարաբերություններ է ունեցել:
Աղջիկը հայտնել է նաև, որ Ա.-ն իրեն զրկել է կուսությունից և մինչև սեպտեմբերի կեսը ամեն հանդիպման ժամանակ նա սեռական հարաբերություններ է ունեցել իր հետ: Նա հայտնել է նաև, որ ամեն անգամ Ա.-ն սպառնացել է, որ եթե որևէ մեկին իրենց հանդիպման մասին հայտնի, ապա «լավ չի լինի»:
Քննչական բաժնում տեղեկացել են նաև, որ 2015 թ.-ի դեկտեմբերի 15-ից մինչև 2016 թ.-ի մայիսի 18-ը ինքը Ա.-ի հետ փաստական ամուսնական կյանքով են ապրել և այդ ընթացքում վարձակալական հիմունքներով բնակվել են ՀՀ մարզերից մեկի սեփական տներից մեկում, սակայն հետո Ա.-ն լքել է իրեն և գնացել Ռուսաստանի Դաշնություն:
Ոստիկաններն ու քննիչները ձեռնարկում են միջոցներ՝ Ա.-ին հայտնաբերելու ուղղությամբ: Գ. Շամշյանի տեղեկություններով՝ տուժած աղջիկը սովորում է հանրապետությունում գործող քոլեջներից մեկում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
