1in.am լրատվականը կատարելով քաղաքական պատվեներ, վերածվել է սին նյութերով լի զնդանի
ՀԱՍԱՐԱԿՈՒԹՅՈՒՆ
Հասմիկ Պողոսյանն իր ֆեյսբուքյան էջում գրում է
Ապատեղեկատվության տարածումը մեր օրերում արդիական թեմաներից մեկն է, համացանցը ողողված է կեղծ լուրեր հրապարակող լրատվականներով, որոնք ինչ որ չափով իրենց ազդեցությունն են թողնում հասարակության մտածելակերպի վրա: Այդ լրատվականների շարքից թերևս ամենահայտնին՝ 1in.am լրատվականն է, որը կատարելով քաղաքական ուժերից մեկի պատվերները, վերածվել է սին նյութերով լի զնդանի: Հատկանշական է այն, որ նրանք պարբերաբար անդրադարձ են կատարում՝ Փաշինյան-Ծառուկայն հարաբերություններին և փորձում իրենց այդպես էլ չհասունացած ուղեղներով այլ որակումներ տալ այդ համագործակցությանը:
Բազմիցս նկատել ենք այս կայքի կողմից նման անգրագետ և սադրիչ նյութեր ուղղավծ հաջողակ քաղաքական գործիչների դեմ, որոնց միջոցով նրանք պարզապես ցույց են տալիս իրենց մեջ եղած խանդը: Սակայն ցավով ուզում եմ նշել, որ նման էժանագին քայլերի միջոցով ոչ մի արդյունքի էլ չեք կարող հասնել, քանի որ երկու կողմերն էլ քաղաքականապես կայացած և երկար ճանապարհ անցած ուժեր են:
Եթե 1in.am կայքը ղեկավարող քաղաքական ուժի հնարավորությոններն այսքանով սահմանափակվում են, ապա խորապես ցավում եմ նրանց համար, քանի որ հետագայում նրանց մասնակցությունը քաղաքական գործընթացներին հավասարվում է զրոյական մակարդակի:
ԵՎ վերջապես չի կարելի ամեն պատեհ և անպատեհ առիթով շոշափել այն քաղաքական ուժերի անունները, որոնք երկրի զարգացմանն ուղղված յուրաքանչյուր քայլ կատարում են սիրով և մեծ պատասխանատվությամբ: Արհեստական լարվածություն մտցնելով այդ հարաբերությունների մեջ, դուք միայն ձեզ եք վնասում և դրանով իսկ ապացուցում ձեր քաղքական անկարողության մասին:
Նման գործելաոճ ունեցող լրատվականները մեր հասարակության համար չարիք են, քանի որ խեղաթյուրում են իրականությունը, դրանում հետապնդելով իրենց կերակրողի շահը:
