Տնտեսական հարցերի մշտական հանձնաժողվի կայացրած որոշումը պատուհաս է դարձել տնտեսվարողների գլխին
ՎԵՐԼՈՒԾՈՒԹՅՈՒՆՆԵՐ
Ասանեթ Ալայանն իր ֆեյսբուքյան էջում գրում է.
Վերջերս ԱԺ տնտեսական հարցերի մշտական հանձնաժողովի նիստում կայացված որոշումը, համաձայն որի տուրք է նշանակվում ներկրվող ցեմենտի, բայց ոչ կլինկերի վրա, մեծ իրարացման առիթ է հանդիսացել, ինչի արդյունքում, ցեմենտի արտադրության ոլորտի մոտ 2000 աշխատակից գործազուրկ դառնալու վտանգի առաջ է հայտնվել: Ընդհանուր առմամբ տարակուսելին այդ որոշման մեջ այն է, որ Կառավարությունը ԱԺ էր ուղարկել օրինագիծը կլինկերն էլ ներառած, բայց քննարկման ժամանակ որոշում է կայացվել, որ կլինկերի վրա չպետք է կիառվի այդ պետական տուրքը: ԱՅսօր էլ, տվյալ հանձնաժողովի նախագահ Բաբկեն Թունյանն ասել է, թե իր համար անհասկանալի է, թե ինչի համար է շոշափվում թեման, թե ծանոթ-բարեկամ սկզբունքն է գործել այստեղ: Պարոն Թունյան միգուցե ասեիք, թե ցեմենտ արտադրողներից ում եք ԱԺ կանչել, ով տարածված լուրերի համաձայն,որպես ցեմենտի արտադրության հումք օգտագործում է ներկրված կլինկերը: Դուք այս դեպքում, ինչ-որ ռիսկ չե՞ք տեսնում, խոսում եք ինչ-որ տնտեսական ոլորտի փորձագետների գնահատականներից, բայց չեք խոսում որ ուղիղ շփման մեջ եք եղել այդ ցեմենտի ոլորտում գործունեություն ծավալող գործարարի հետ և դա այն ժամանակահատվածում, երբ հանձնաժողովում քննարկվում էր կոնկրետ ցեմենտ արտադրողներին վերաբերվող օրինագիծը: Ես չեմ հավատում, որ դա զուգադիպութոյւն է և այո ևս հակված եմ այն մտքին, որ որոշման կայացման վրա ազդել է ծանոթ-բարեկամ կամ որ ավելի վատ է բիզնես շահ հետապնդելու ցանկությունը: Եվ այսօր, արդար ու ազնիվ եղեք ու հայտարարեք, որ Ձեր իսկ որոշման արդյունքում է ներկայումս ցեմենտի գործարանի աշխատակիցների բողոքի ակցիաները, տնտեսվարողն այս պարագայում ոչ մի ազդեցություն այդ որոշման վրա չի ունեցել, Դուք եք այդ որոշումը կայացրել, Դուք էլ կրում եք դրա քաղաքական պատասխանատվությունը: Եվ ինչպես ակցիայի մասնակիցներն են բազմիցս իրենց խոսքում նշել, դուք իրավունք չունեք մեկ որոշմամբ գործազուրկ դարձնել 2000 մարդու, անկախ նրանից, թե այդտեղ ինչ շահ կա թաքնված:
Այս հարցի լուծումը մեկն է և այն պետք է հապշտապ արվի՝ ներմուծվող կլինկերի վրա պետական տուրք է պետք սահմանել, որպեսզի տեղական արտադրողը կարողանա մրցակցել շուկայում, հակառակ պարագայում 2000 մարդու գործազրկության պատճառ եք հանդիսանալու:
