«Մուլտի Գրուպ» կոնցեռնի գլխավոր տնօրենը հերքում է ընկերության հասցեին հնչած բոլոր հերյուրանքները
ՀԱՍԱՐԱԿՈՒԹՅՈՒՆ
Անահիտ Մազմանյանը ֆեյսբուքյան իր էջում գրում է.
Փետրվարի 4-ի երեկոյան, ՀՀ ոստիկանության տարածած տեղեկատվության համաձայն կատարվել էր «բացահայտում», որտեղ <<Մուլտի Գրուպ>> ընկերությունը մեղադրվում է խոշոր հարկեր թաքցնելու մեջ: Արդեն իսկ փետրվարի 5-ին <<Մուլտի Գրուպ>> ընկերության գլխավոր տնօրեն ՝ Սեդրակ Առուստամյանը հանդես է եկել հայտարարությամբ , որտեղ փաստացի հերքում է իրենց հասցեին հնչած բոլոր մեղադրանքները: Ոստիկանության հաղորդագրության մեջ մեղադրանք է առաջադրվում <<Արարատցեմենտ>> ընկերությանը, իսկ որոշ թերթրում <<Մուլտի Գրուպ>> կոնցեռնին պատկանող գազալցակայաններին. մեղադրում են հարկեր թաքցնելու մեջ: Պարզաբանելով ստեղծված իրավիճակը Սեդրակ Առուստամյանը նշել է , որ գազալցակայանների հետ կապված կան բազմաթիվ անճշտություններ հարկայաին մարմինների աշխատակիցների կողմից, ինչը ընկերությունը վիճարկում է դատարանում և վստահեցնում է, որ բոլոր հարկային պարտավորությունները պարտաճանաչ կատարվում են, իսկ <<Արարատցեմենտ>> -ի մասով ոստիկանության մեղադրանքները սխալ են հասցեագրված, քանի որ հարկերի հետ կապված <<Արարարտցեմենտ>> ընկերությունը բացարձակ կապ չունի: Պարզ նկատելի է ոստիկանության կողմից խնդրի միակողմանի, ոչ խորը ուսումնասիրված լինելը, ինչը խիստ բացասական երևույթ է: Բազմաթիվ անգամներ <<Մուլտի Գրուպին>> պատկանող ընկերություններում տեղի են ունեցել տարաբնույթ ստուգումներ, ուսումնասիրություններ, սակայն ոչ մի անագամ որևէ էական խախտում չի արձանագրվել: Չապացուցված, լոկ կասկածների վրա հիմնված տեղեկատվությունը որը այդքան սիրում են տարածել որոշ թերթեր և լրատվական կայքեր, վնասում և վարկաբեկում են հեղինակավոր ընկերությունների բարի համբավն ինչը անթույլատրելի է:
