Կայուն էլեկտորատի ֆենոմենը

ՀՀ քաղաքական դաշտում կրքերը աստիճանաբար մարում են, և հանրությունը սահուն կերպով փորձում է վերադառնալ առօրյա կյանք: ԱԺ արտահերթն այլևս պատմություն է. երկու շաբաթից ՀՀ-ն կունենա իր յոթերորդ գումարման խորհրդարանը, որում ընդգրկված կլինեն երեք քաղաքական ուժ:

Ընտրություններից շատ առաջ, նաև քարոզարշավի ողջ ընթացքում, անընդհատ խոսվում էր այն մասին, թե ով կլինի պառլամենտի երկրորդ ուժը, քանի որ առաջատարի հարցը պարզ էր ի սկզբանե, այլ կերպ ասած՝ տեխնիկայի հարց էր: Երկրորդ տեղի հարցը բավականին լուրջ էր, քանի որ տվյալ ուժը պետք է ցույց տար իր քաղաքական կշիռը, նաև պատասխանատվությունը ժողովրդի առջև: Ընտրությունից երկու օր անց պարզ է, որ ԱԺ անցած ուժերից երկրորդը ԲՀԿ-ն է, որը ստացել էր ընտրողների 8,6 տոկոս քվեն կամ որ նույնն է՝ 103837 ձայն: Ունենում ենք մի իրավիճակ, որ նախկին խորհրդարաններից ԲՀԿ-ն այն միակ քաղաքական ուժն է, որ կարողացավ հաղթահարել ընտրական շեմը:

Երկրորդ առանցքային ուժի կարգավիճակ ստանալով՝ ԲՀԿ-ն ապացուցում է, որ նախկինում պարբերաբար շահարկվող և թևածող խոսակցությունները, թե ԲՀԿ-ն կաշառք բաժանելու կամ բարեգործության շնորհիվ է կարողանում խորհրդարանում իրականության հետ աղերս չունեցող լուրեր են՝ ընդամենը հակառակորդների կողմից շրջանառվող մանիպուլիացիաներ, քանի որ նոր Հայաստանում և նոր իրողությունում առկա են այլ խաղի կանոններ են:

ԱԺ-ում երկրորդ ուժը լինելու ցուցանիշները ցույց են տալիս, որ վերը նշվածներից ոչ մի բան երբևէ տեղի չի ունեցել՝ դրանք ընդամենը միֆեր են եղել, և անիմաստ վայրահաչոցներ: Ակնհայտ է, որ առանց որևէ միջնորդությունների ԲՀԿ-ն ստանում է լուրջ աջակցություն և ժողովրդի շոշափելի հատվածի աջակցությունը, որն ինչ խոսք պարտավորեցնող է:

Տեղի ունեցածը պարզեցում է մտցնում նաև այն հարցում, որ կուսակցությունն ունի կայուն էլեկտորատ, որոնք, ակախ էյֆորիայի և երկրում տիրող բուռն հեղափոխական մթնոլորտին, մնացել են իրենց մոտեցումներին ու համոզմունքներին հավատարիմ: