Չինական Psearcher պարբերականը Հայաստանի մասին հատուկ թողարկում է պատրաստել
ՄԻՋԱԶԳԱՅԻՆՉինաստանում լույս տեսնող Psearcher (Փիսրչեր) պարբերականի հատուկ թողարկումն այս անգամ Հայաստանի մասին է: «Արմենպրես»-ի հետ զրույցում հրատարակչության հանրային կապերի ղեկավար Վանգ Մինգմեին նշեց, որ «Հայաստան` դարպաս դեպի խոշոր շուկաներ» խորագրով թողարկումը ստեղծվել է հատուկ պատճառով:
«Ընտրությունն այս անգամ կանգ առավ Հայաստանի վրա, քանի որ Հայաստանը հինավուրց երկիր է Եվրոպայի և Ասիայի խաչմերում `որպես երկու մայրցամաքները կապող կամուրջ: Դարեր շարունակ Հայաստանով էր անցնում հնագույն մետաքսի ճանապարհը, իսկ հայկական ապրանքները բավականաին տարածված էին Չինաստանի շուկաներում, հայկական առևտրային նավերն էլ հասնում էին Ասիայի արեւելյան նավահանգիստներին: Մեր հրատարակչական աշխատանքը հասել է Չինաստանի «Մեկ գոտի մեկ ճանապարհ» նախաձեռնությանը մասնակցող երկրների մեծ մասին, Հայաստանն էլ մի կարևոր կայարան է»,- նշեց Մինգմեին:
Հանրային կապերի ղեկավարի խոսքով` իրենց հատկապես հետաքրքրել է Հայաստանի կառավարության վարած բաց քաղաքականությունն ու ենթակառուցվածքների զարգացման ներուժը, որոնք կարող են գրավիչ լինել չինացի ներդրողների համար:
«Հայաստանի կառավարությունը բաց դռների քաղաքականություն է վարում` ներդրումներ կատարելիս գրեթե չկիրառելով սահմանափակումներ: Գործարար միջավայրի բարելավմանն ուղղված քայլերը բարձր են գնահատում նաև հեղինակավոր միջազգային կազմակերպությունները: Հյուսիս-հարավ ճանապարհային միջանցքը գրավիչ նախագիծ է, որը կարող է հետաքրքրել չինական ընկերություններին և ներդրողներին՝ շաղկապվելով նաև«Մեկ գոտի, մեկ ճանապարհ» նախաձեռնությանը: Ներկայումս Հայաստանի կառավարության բաց քաղաքականությունը կարող է ներգրավել որոշ չինական ընկերություններին հատկապես շինարարական նախագծերում, ինչը ավելի մեծ օգուտ կբերի երկու կողմերին»,- ասաց Վանգ Մինգմեին:
Թողարկման ստեղծման համար Հայաստանի մասին անհրաժեշտ տեղեկատվություն գտնելու գործում «Փիսրչեր»-ին օգնել է դիվանագետ, Չինաստանում Հայաստանի առևտրային կցորդ Հրանտ Աբաջյանը:
«Մենք համագործակցեցինք խմբագրման աշխատանքներում` ընդհուպ հարմար լուսանկարներ ընտրելը, բովանդակությունը փոխելը, քերականական սխալների ուղղումը, և այլն: Բավականին ծավալուն աշխատանք է կատարվել: Հավատացած ենք, որ մեր բոլոր ընթերցողները, մասնավորապես, ձեռնարկությունների ղեկավարներն ու աշխատակիցները, կբացահայտեն Հայաստանը որպես դարպաս դեպի խոշոր շուկաներ»,- հավելեց նա:
Psearcher հրատարակչության ամսագրի բաժանորդների թվում են Չինաստանի արտաքինգործերի նախարարությունը, Կոմերցիայի նախարարությունը, պետական մի շարք խոշորձեռնարկություններ, արտասահմանյան խոշոր արտահանող ընկերություններ, Չինաստանի դեսպանատներ, բուհեր և այլն:
«Մեկ գոտի, մեկ ճանապարհ» հատուկ հրատարակչությունը, որը ստեղծվել է PSearcher- իկողմից, ներկայացնում և բարձրացնում է ներդրումային միջավայրի իրազեկվածությունըզբոսաշրջային ռեսուրսների մասին, առաջարկում է առավել մասնագիտական ուղեցույց` բիզնեսգործունեություն իրականցնելու համար: Այն նպատակ ունի Չինաստանում և Չինաստանից դուրսգտնվող ձեռնարկատերերին և ծրագրերի ղեկավարներին ապահովելու օտարերկրյաներդրումներ ներգրաvող համապատասխան երկրի մասին առավել մանրամասն եւ ճշգրիտտնտեսական տեղեկատվությամբ ՝ մի կողմից դյուրացնելով չինական ձեռնարկություններին«ելքը» դեպի այդ երկրներ, մյուս կողմից աջակցելով վերջիններիս ներգրավել ներդրումներ ևառևտուր Չինաստանից:
Հատուկ թողարկումները լի են օգտակար և մասնագիտական տեղեկատվությամբ, որոնք անհրաժեշտ են համապատասխան ծրագրերի ղեկավարներին:
Թողարկումը ներկայացնում է չինացի ներդրողներին հետաքրքրող հարկային և օրենդսրական մանրամասներ, բիզնեսի ծախսերի վերաբերյալ տեղեկատվություն, նոր ներդրումային նախագծեր, երկրի զբոսաշրջային ներուժը և այլն: «Փիսրչեր»-ն այժմ դառնում է առաջատար հատուկ տնտեսական հրատարակչություն իրականացնող կազմակերպություն, որն ավելի քան 50 հաջողված համարներ է թողարկել՝ դեսանատների հետ համատեղ աշխատանքի արդյունքում:
Տեղեկատվություն. թողարկման համար անհրաժեշտ նյութերը և լուսանկարները տրամադրվել են ՀՀ տնտեսական զարգացման և ներդրումների, Արտաքին գործերի, Գյուղատնտեսության, Տրասնպորտի, կապի և տեղեկատվական տեխնոլոգիաների, Ֆինասների, Էներգետիկ ենթակառուցվածքների և բնական պաշարների նախարարությունների, Կենտրոնական բանկի, ՉԺՀ-ում ՀՀ դեսպանության, ՏԶՆՆ զբոսաշրջության պետական կոմիտեի, Հայաստանի զբոսաշրջության զարգացման հիմնադրամի և «Բիզնես Արմենիայի» կողմից:
