Փեսացուն փոշմանեց ամուսնանալ հենց հարսանիքի օրը երբ տեսավ իր հարսի դեմքը.Երբ տենեք նրան կհասկանք, թե ինչու
ՎԻԴԵՈՀարսանեկան ավանդույթներ`աշխարհի տարբեր երկրներից
Դժվար է այսօր պատկերացնել որեւէ հարսնացուի առանց հարսանեկան ճերմակ զգեստի: Չնայած օր օրի զարգացող նորաձեւությանը, այնուամենայնիվ, մեզանում պահպանվել է հարսնացուի ճերմակ զգեստ հասկացությունը: Սակայն քչերը գիտեն, որ հնում կանայք ամուսնանում էին ամենատարբեր գույների զգեստներով այնքան ժամանակ, քանի դեռ Անգլիայի Վիկտորյա թագուհին, բոլորից տարբերվելու համար, իր սեփական հարսանիքին ներկայացավ ճերմակ հարսանյաց զգեստով` այդպիսով հիմք դնելով այս ավանդույթին:
Եվս մեկ հետաքրքիր փաստ, այս անգամ՝ կապված հարսնաքույրերի զգեստի հետ: Նախկինում եւ հիմա էլ շատ ազգերի մոտ հարսանյաց հանդեսի ժամանակ հարսնացուի ընկերուհիները միեւնույն զգեստն են հագնում: Պարզվում է` այդ բացատրություն ունի: Մարդիկ հնում եւ, ինչու չէ, այժմ էլ փոքր-ինչ սնահավատ են, եւ միանման զգեստ հագնելով՝ փորձում են չար ոգիներին շփոթեցնել:
Եվ քանի որ խոսք գնաց հարսանեկան սովորույթներից, ապա տեղին կլինի նշել տարբեր ազգերի հարսանիքների տարօրինակ ու խենթ ավանդույթներից մի քանիսը:
Այսպես. Ճապոնիայում նորապսակ զույգը հարսանիքի ընթացքում պարտավոր է խմել ճապոնական հայտնի բրնձի օղի` սակե, ուղիղ 9 կում: Միայն դրանից հետո նրանք պաշտոնապես կհամարվեն նորապսակներ:
Գերմանիայում հարսնացուի ընկերուհիները պետք է հարսանիքի նախօրեին հարսի տան մոտ սպասք կոտրեն, որի՝ այս ու այն կողմ ցրված կտորները երջանկություն են բերում դրանք գտնողներին: Իսկ հարսնացուն արդեն բուն արարողության ժամանակ իր գրպանում պետք է ունենա աղ ու հաց, իսկ փեսացուն` ցորենի հատիկներ, որոնք խորհրդանշում են առատություն եւ հաջողություններ:
Փոքր-ինչ մերօրյա հայկական հարսանեկան ավանդույթի է նման Լեհաստանի հարսնացուների, այսպես կոչված, փողի պարը: Հյուրերը պարելիս հարսի զգեստին մետաղադրամներ ու թղթադրամներ են ամրացնում, որոնք հետո հարսնացուն շաղ է տալիս դահլիճով մեկ: Նման մի սովորույթ էլ կա Հունգարիայում, միայն թե նրանց դեպքում հարսի հետ պարել ցանկացողները ստիպված են որոշակի գումար դնել նրա կոշիկի մեջ:
Ոչ պակաս հետաքրքիր, նաեւ տարօրինակ սովորույթ կա Մալազիայում: Այստեղ հարսանիքի հյուրերը նորապսակներին խաշած ձու են նվիրում, որը խորհրդանշում է բարեկեցիկ եւ երջանիկ կյանք: Իսկ Թայլանդում ամուսնական զույգի անկողինը հարդարում են նրանց ծնողները` վրան անպայման բրինձ, քունջութ եւ մետաղադրամներ շաղ տալով:
Ինչպես տեսնում եք՝ բազմազան ու բազմաբովանդակ են հարսանեկան սովորույթներն ու ծիսակարգերը: Եվ, անշուշտ, ամեն երկրում չէ, որ պարտադիր կերպով կիրառվում են վերը նշված ավանդույթները: Ավանդույթը` ավանդույթ, բայց սեփական հարսանիքը կազմակերպելիս կարեւոր է չկորցնել սթափ մտածելու կարողությունն ու շարժվել սեփական ճաշակով եւ ոչ մի դեպքում զոհ չգնալ նորաձեւությանն ու ավանդույթներին:
