«Ինչո՞ւ է դա պետք Հայաստանին». Դաշնության խորհրդի անդամը մեկնաբանել է Երևանի ԵՄ-ին անդամակցելու հավանական դիմումը

Երևանի մտադրությունը շուտով սկսել ԵՄ-ին անդամակցության դիմումի գործընթացը կհանգեցնի Հայաստանի տնտեսության ճգնաժամին, gazeta.ru-ին ասել է Դաշնության խորհրդի միջազգային հարաբերությունների հանձնաժողովի փոխնախագահ Վլադիմիր Ջաբարովը: «Ո՞ւր է շտապում Հայաստանը: ԵՄ-ն սպասո՞ւմ է նրան: Եթե նա երազում է անդամակցության մասին, թող հարցնի ԵՄ մյուս երիտասարդ անդամներին, թե այդքան յուրահատուկ ի՞նչ են նրանք  ստացել Եմ անդամակցությունից: Եթե նա կարծում է, որ ԵՄ-ն կսկսի կերակրել Հայաստանին, ապա սխալվում է: ԵՄ-ին Հայաստանը պետք է միայն որպես մի երկիր, որը կմիանա ռուսաֆոբ երկրների այն խմբին, որոնք գրեթե բոլոր ԵՄ անդամներն են: Ինչո՞ւ է դա պետք Հայաստանին: Հայաստանը գիտի, որ ռուս ժողովուրդը, Ռուսաստանը հայերի հավատարիմ դաշնակիցն է և միշտ կլինի այնտեղ՝ անհրաժեշտության դեպքում: Կարծում եմ, որ եթե այսպես շարունակվի, հայերն իրենք շատ հարցեր կունենան տալու իրենց առաջնորդին», - ասել է նա:

Ըստ Ջաբարովի, Հայաստանի ղեկավարության եվրոպական ինտեգրման ուղղությունը միայն խնդիրներ կառաջացնի երկրի տնտեսության համար: «Հենց որ սկսի շարժվել դեպի եվրաինտեգրացիա, Հայաստանը ստիպված կլինի դադարեցնել Եվրասիական տնտեսական միության երկրների հետ բոլոր տնտեսական և առևտրային կապերը, բայց հենց այդ կապերի, ԵԱՏՄ-ի շնորհիվ է, որ Հայաստանը վերջին տարիներին տնտեսապես ծաղկում է ապրել», - նշել է նա։

Հիշեցնենք, որ վերջերս ՀՀ վարչապետ Նիկոլ Փաշինյանը հայտարարել է, որ Երևանը մտադիր է մոտ ապագայում սկսել ԵՄ անդամակցության հայտ ներկայացնելու գործընթացը։

Նյութը հրապարակման պատրաստեց Կամո Խաչիկյանը

www.1or.am