Ռուսական և ուկրաինական ԶՈւ-ն փոխադարձ hարվածներ են հասցրել միմյանց

Ուկրաինական անօդաչու թռչող սարքերը հուլիսի 20-ի գիշերը հարձակվել են Մոսկվայի մարզի վրա, հայտնել է նահանգապետ Անդրեյ Վորոբյովը։ Քաղաքապետի տվյալներով՝ իրիկնամուտից ի վեր Մոսկվայի մարզի ուղղությամբ թռչել է ավելի քան 400 անօդաչու թռչող սարք, դրանց մեծ մասը ոչնչացվել է հեռավոր մատույցներում։ 85 դրոն խոցվել է Մոսկվայի մատույցներում։

Վորոբյովը հայտնել է, որ Օդինցովոյում վնասվել են ավտոմեքենա և մասնավոր տուն։ Պոդոլսկում անօդաչու թռչող սարքերի ընկնելու հետևանքով հրդեհներ են բռնկվել, վնասվել են քաղաքացիական ենթակառուցվածքի մի քանի օբյեկտներ։ 

Դոմոդեդովո քաղաքային օկրուգի ղեկավար Եվգենյա Խրուստալյովան հաստատել է, որ դրոնների հարձակման հետևանքով հրդեհ է բռնկվել «Յուժնիե վրատա» ինդուստրիալ պարկի տարածքում, ինչպես նաև այն, որ դրոնն ընկել է Կուրիժով փողոցի վրա գտնվող բազմաբնակարան բնակելի շենքի վրա։ Նա հայտարարել է, որ տուժել է երկու մարդ, սակայն ավելի ուշ հստակեցրել է, որ Դոմոդեդովոյի հիվանդանոցում գտնվում է վեց տուժած։

Այսօր գիշերը Ռուսաստանի Դաշնության Զինված ուժերը շարունակել են հարվածներ հասցնել Ուկրաինայի նավահանգիստներին, որոնք ներգրավված են Ուկրաինայի զինված ուժերի շահերի ապահովման գործում։ Այս մասին հայտնել է ՌԴ Պաշտպանության նախարարությունը՞

«Օդային բազավորման բարձր ճշգրտության զենքով «Օդեսա» նավահանգստում խոցվել են Ուկրաինայի զինված ուժերի կարիքների համար նախատեսված վառելիքաքսուքային նյութերի պահեստարանները»,- հայտել են նախրարությունից:

Բրյանսկի մարզում ուկրաինական զորքերի հարձակման հետևանքով մեկ մարդ զոհվել է, 13-ը՝ վիրավորվել, հայտնել է նահանգապետի պաշտոնակատար Եգոր Կովալչուկը։