Կիրանցի աշակերտները Ադրբեջանից 50 մետր հեռավորության վրա դասի են գնում, 30 մետր հեռավորության վրա ֆուտբոլ խաղում, խաղաղությունը սա է. Նիկոլ Փաշինյան

Կիրանցի աշակերտները Ադրբեջանից 50 մետր հեռավորության վրա դասի են գնում, 30 մետր հեռավորության վրա ֆուտբոլ խաղում, խաղաղությունը սա է: Այս մասին ԱԺ-ում Կառավարության գործունեության ծրագրի կատարման ընթացքի և արդյունքների մասին զեկույցի քննարկման ժամանակ ասել է վարչապետ Նիկոլ Փաշինյանը:

«Այսօր մենք ունենք բոլորովին այլ պետություն, քան ունեցել ենք 2018 թվականին, այսօր մենք անկախ ենք ավելի, քան՝ երբևէ: Այսօր մենք անկախ ենք ավելի, քան՝ երբևէ, ինքնիշխան ենք ավելի, քան՝ երբևէ, պետություն ենք ավելի, քան՝ երբևէ, ժողովրդավարական ենք ավելի, քան՝ երբևէ, զարգացած ենք ավելի, քան՝ երբևէ, խաղաղ ենք ավելի, քան՝ երբևէ, անվտանգ ենք ավելի, քան՝ երբևէ, երկարակյաց ենք ավելի, քան՝ երբևէ, բարեկեցից ենք ավելի, քան՝ երբևէ, անվտանգ ենք ավելի, քան՝ երբևէ: Մի բան էլ ասեմ՝ երկարակյաց ենք ավելի, քան՝ երբևէ, 2024 թվականի արդյունքներով է ՀՀ-ում կյանքի միջին տևողությունը 78,6 է, ինչը բացարձակ ռեկորդային ցուցանիշ է Հայաստանի Հանրապետության գոյության ողջ ընթացքում:

Այսօր մեր պետության հեռանկարները որոշակի են ավելի, քան երբևէ, և սա առաջին հերթին Հայաստանի և Ադրբեջանի միջև խաղաղության շնորհիվ է: Առաջիկայում մեզ սպասվում են մեծ ու պատմական իրադարձություններ, ԹՐԻՓՓ նախագծի իրագործումը, որը Հայաստանը վերջնականորեն դուրս կբերի շուրջ 34-ամյա շրջափակումից և ՀՀ-ի ու Ադրբեջանի միջև խաղաղություն և միջպետական հարաբերություններ հաստատելու մասին համաձայնագրի ստորագրումը և վավերացումը, որը կապահովի մեր պետությունների և ժողովուրդների միջև թշնամանքի վերացման հետագա ընթացքը»,- նշել է Փաշինյանը: