Հայաստանում մտահոգություն են հայտնել համաշխարհային տերությունների միջև տարածաշրջանային տրանսպորտային միջանցքների համար շարունակվող պայքարի վերաբերյալ

Քաղաքագետ Վահե Դավթյանը զգուշացրել է Հայաստանի ԱՄՆ-ի հենակետ դառնալու ռիսկի մասին, գրում է vestiplaneti.ru–ն։ Նա նշել է, որ Հարավային Կովկասը և Մերձավոր Արևելքը կարևոր տարածաշրջաններ են իրենց էներգետիկ ռեսուրսների և տրանսպորտային ուղիների շնորհիվ, և ԱՄՆ-ն ու Իսրայելը ձգտում են թուլացնել Իրանը՝ Հայաստանին թողնելով խոցելի առանց իրական անվտանգության երաշխիքների։

Մասնագետը հիշեցրել է, որ վարչապետ Փաշինյանը TRIPP-ը (Հարավային Կովկասի տրանսպորտային միջանցքի նախագիծը, որը հայտնի է որպես «Թրամփի երթուղի») անվանել է երկրի համար առաջնահերթություն չնայած ռիսկերին։ Թեհրանը այդ նախագիծը դիտարկել է որպես ՆԱՏՕ-ի կողմից Կովկասում հենարան ձեռք բերելու փորձ։ Դավթյանը ընդգծել է, որ նպատակը ոչ միայն տնտեսական է, այլ նաև Իրանին և Ռուսաստանին ճնշելու համար հենակետ ստեղծելն է։

Մասնագետի խոսքով Հայաստանը ռիսկի է դիմում դառնալու արտաքին շահերի ասպարեզ կորցնելով իր դերը Հյուսիս-Հարավ ռազմավարական միջանցքում, որը կապում է Ռուսաստանը և Հնդկաստանը։ Եթե Երևանը ընտրի TRIPP-ը, ապա կաջակցի Արևմտյան «Արևմուտք-Արևելք» նախագծին։ Մինչդեռ, Իրանը, հակառակ Արևմուտքի սպասումներին, ցուցադրում է դիմադրողականություն և հակահարված տալու ունակություն, բացատրել է Դավթյանը։

«Ռուսաստանի և Իրանի շահերը ներկայումս գրեթե լիովին համընկնում են։ Պատահական չէ, որ այդ երկու երկրները համագործակցում են ռազմավարական գործընկերության շրջանակներում։ Ստեղծված իրավիճակը սպառնում է կաթվածահար անել Հյուսիս-Հարավ միջանցքը։ Ի վերջո, դա միայն տրանսպորտային զարկերակ չէ։ Մենք խոսում ենք գլոբալ մեգա-զարկերակի մասին, որը կկապի Ռուսաստանը Սանկտ Պետերբուրգի նավահանգստից մինչև Հնդկական օվկիանոս, մինչև Մումբայի նավահանգիստ», - ընդգծել է փորձագետը։

Նյութը հրապարակման պատրաստեց Կամո Խաչիկյանը

www.1or.am