Քաղցկեղի առաջացման իրական ու մտացածին պատճառները

Օնկոլոգիական հիվանդություններն ամբողջ աշխարհում մարդկանց մահացության հիմնական պատճառներից են: Քաղցկեղի առաջացման հիմնական պատճառներն են վատ սնունդը, սխալ կենսակերպն ու վատ սովորությունները:

Ձեր ուշադրությանն ենք ներկայացնում քաղցկեղի առաջացման իրական ու մտացածին պատճառները:

Արհեստական քաղցրացուցիչներ

Դեռևս չկան ապացույցներ այն բանի, որ շաքարի փոխարինիչները կարող են բարձրացնել քաղցկեղի առաջացման հավանականությունը: Հետզոտությունների ընթցքում գիտնականները չեն գտել ոչ մի կապ օնկոլոգիական հիվանդությունների և քաղցրացուցիչների միջև:

Ռենտգենյան ճառագայթներ

Ռենտգենյան ճառագայթների նույնիսկ փոքր չափաբաժինները կարող են զգալիորեն բարձրացնել քաղցկեղի առաջացման հավանականությունը:

Բջջային հեռախոսներ

Այս գաջեթը ճառագայթում է էներգիայի նույն տեսակը, ինչ և միկրոալիքային վառարանները: Չնայած, որ այս ուղղությամբ խորացված ուսումնասիրություններ դեռ չեն արվել, այնուամենայնիվ՝ այս սարքերի ու քաղցկեղի միջև կապը դեռ չի հաստատվել:

Միս

Մսային կիսաֆաբրիկատները պարունակում են մեծ քանակությամբ կոնսերվանտներ ու նիտրիտներ, ինչի հետևանքով բարձրացնում են հաստ աղիքի քաղցկեղի առաջացման հավանականությունը:

Պլաստիկ շշերով ջուր

Նյութը, որից պատրաստում են այդ շշերը, պարունակում է բիսֆենոլ A՝ քիմիական նյութ, որը տաքանալիս կարող է դառնալ քաղցկեղածին նյութերի աղբյուր:

Չպաշտպանված սեռական ակտ

Այս դեպքում կարելի է վարակվել պապլիլոմա վիրուսով, որն էլ հետագայում կարող է հանգեցնել արգանդի վզիկի քաղցկեղի և քաղցկեղի այլ տեսկների առաջացմանը:

Ատամնալիցք

Ուսումնասիրությունների ընթացքում գիտնականները ատամնալիցքերի բաղադրության մեջ չեն հայտնաբերել որևէ նյութ, որը կարող է նպաստել քաղցկեղի առաջացմանը:

Սուրճ

Սուրճը ոչ միայն չի նպաստում քաղցկեղի առաջացմանը, այլև չափավոր օգտագործման դեպքում օգնում է կանխել այն:

Հոտազերծիչ

Այս միջոցները ճնշում են քրտնագեղձերի աշխատանքը, ինչը հանգեցնում է էստրոգենի մակարդակի խանգարման: Սա կարող է դառնալ կրծքագեղի քաղցկեղի առաջացման պատճառ: Բացի այդ, դրանց բաղադրության մեջ կան պարաբեններ, որոնք նույնպես դասվում են քաղցեղածին նյութերի շարքին:

Կենցաղային քիմիա

Տարատեսակ ներկերը, լաքերն ու այլ նյութերն արտազատում են գազերը, որոնք ավելի շատ հայտնի են որպես թռչող օրգանական նյութեր: Ուսումնասիրությունները ցույց  են տվել, որ այս գազերը նույնպես նպաստում են քաղցկեղի առաջացմանը:

Էլեկտրահաղորդման գծեր

Այս գծերի գործառույթը էլեկտրական հոսանքն ընդունելն ու փոխելն է: Ընդ որում՝ դրանց էլեկտրամագնիսական ճառագայթումն այնքան թույլ է, որ ոչ մի կերպ չի կարող դառնալ քաղցկեղի առաջացման պատճառ:

Օդի աղտոտվածություն

Օդի աղտոտվածության հետևանքով ամեն տարի ամբողջ աշխարհում մոտ 220 հազար մարդ է մահանում թոքերի քաղցկեղից: Նաև գիտնականները պարզել են, որ գոյություն ունի նաև կապ օդի աղտոտվածության ու միզապարկի քաղցկեղի միջև: Խնդիրը քաղցկեղածինների բարձր պարունակությունն է: Հիվանդության առաջացման հավանականությունն իջեցնելու համար խորհուրդ է տրվում հաճախ զբոսնել այգիներում ու անտառներում, իսկ տանը պահել հնարավորինս շատ սենյակային բույսեր:

Նյութի աղբյուրը՝ med.tert.am