Ամոթալի միջադեպ Երևանում. Ոստիկանն ապտակեց երթուղայինի վարորդին

yn.am-ը գրում է.

Ոստիկանությունը կոչված է պաշտպանելու քաղաքացու իրավունքը, ոստիկանը պարտավոր է ղեկավարվել օրենքով ու Սահմանադրությամբ, նրա ցանկացած քայլ պետք է լինի օրինական։

Այս պնդման հետ համաձայն պետք է լինի յուրաքանչյուր քաղաքացի, սակայն, այսօր ևս մեկ անգամ համոզվեցինք՝ զուր չէ, որ հայ հասարակությունը չունի վստահություն ՀՀ ոստիկանների և ամբողջ համակարգի նկատմամբ:

Քիչ առաջ YN.am-ի ( Yerevan News - Երևան Նյուզ լրատվական կայք ) լրագրողը ականատես եղավ, մեղմ ասած արտառոց և ցավալի միջադեպի: Լրագրողին անհայտ պատճառով ՀՀ ոստիկանական համակարգի մասնիկ հանդիսացող, ճանապարհային ոստիկանության ծառայողը, բառի ամենաուղիղ իմաստով, հարվածեց երթուղայինի վարորդին՝ տասնյակ ականատեսների առջև: Դ

եպքը պատահել է Տիգրան Մեծ հասցեում գտնվող Գրիգոր Լուսավորիչ եկեղեցու դիմաց գտնվող երթուղային մեքենաների համար նախատեսված կանգառում: 14 համարի երթուղու վարորդը հավանաբար հակառակվել էր իր պատուհանի մոտ կանգնած ՃՈ ծառայողին, ով ուղևորների և շրջակայքում գտնվող տասնյակ մարդկանց աչքի առջև հարվածեց վարորդին՝ փողոցային ժարգոնով շարունակելով խոսակցությունը.

«Իմացի ոնց ես խոսում, արա՛: Իջի, արի, ստեղ կանգնած ենք...»,- բղավում էր ոստիկանը, իսկ վարորդը, ով ինչպես և ոստիկանը երիտասարդ էր, փորձում էր դուրս գալ մեքենայից, սակայն հարվածող ոստիկանի ծառայակիցը չէր թողնում նրան՝ ևս ճնշում գործադրելով քաղաքացու վրա: Բորբոքված «օրենքի պաշտպանը» շարունակում էր բղավել. «Մինչև 4-ը ստեղ կանգնած ենք, արա՛: Կգաս...»:

Մանրամասն` yn.am