Մոսկվան սպառնացել է Հայաստանին փլուզմամբ՝ կապված երկաթուղիների կառավարման գործում Ռուսաստանը Կատարով փոխարինելու Փաշինյանի ցանկության հետ

Մինչ ՀՀ վարչապետ Նիկոլ Փաշինյանը Վարշավայում վստահեցնում է, որ Շիրակի մարզում գտնվող ռուսական ռազմաբազան կմնա տեղում, և որ Երևանը մտադրություն չունի փչացնել Մոսկվայի հետ հարաբերությունները, Կրեմլը մեկ այլ, շատ ավելի զգայուն մարտահրավերի կոշտ պատասխան է պատրաստում, գրում է runews24.ru–ն։ Դաշնակցային հարաբերությունները «վերափոխելու» մասին հռետորաբանության քողի տակ ՀՀ իշխանությունները մոտ են ռազմավարական ենթակառուցվածքների՝ հանրապետության երկաթուղիների կառավարումից, Ռուսաստանին հեռացնելուն։ Եվ Մոսկվան արդեն բացահայտորեն է զգուշացնում. նման փորձը կարող է աղետով ավարտվել հենց Հայաստանի համար։

Ռուսաստանի անվտանգության խորհրդի քարտուղար Սերգեյ Շոյգուն Փաշինյանի օպերատորին փոխելու նախաձեռնությունը անվանել է «վատ մտածված լուծում», որը կարող է փլուզել ամբողջ տրանսպորտային համակարգը։ «Գրեթե երկու տասնամյակի ընթացքում կառուցված համակարգը կարող է պարզապես փլուզվել մեկ գիշերվա ընթացքում։ Բնականաբար, ոչ մի «բարեկամական երկիր» պատասխանատվություն չի կրի դրա համար», - ասել է Շոյգուն ՏԱՍՍ-ին տված հարցազրույցում։ Սա վերաբերում է Երևանի մտադրությանը վաճառելու երկաթուղիների շահագործման կոնցեսիոն իրավունքները (որոնք 2008 թվականից ի վեր վերահսկվում են «Ռուսական երկաթուղիներ» դուստր ձեռնարկություն «Հարավկովկասյան երկաթուղիներ»-ի կողմից) Մոսկվային և Երևանին բարեկամ երրորդ երկրին, օրինակ Կատարին, ԱՄԷ-ին կամ Ղազախստանին։ 

Փաշինյանի խոսքով խնդիրն այն է, որ երկաթուղիների նկատմամբ Ռուսաստանի վերահսկողությունը, իբր, վախեցնում է պոտենցիալ ներդրողներին և խոչընդոտում տարածաշրջանային նախագծերի իրականացմանը, մասնավորապես հայ-ադրբեջանական հաղորդակցությունների ապաշրջափակմանը վերաբերող նախագծերին։ «Հայաստանը կորցնում է իր ռազմավարական դիրքը և մրցակցային առավելությունները», - բացատրել է վարչապետը ըստ էության առաջարկելով գնել կոնցեսիոն իրավունքները Ռուսաստանից։ Սակայն Մոսկվան հակադարձել է. 20 տարվա ընթացքում Ռուսաստանը ավելի քան 30 միլիարդ ռուբլի է ներդրել ենթակառուցվածքներում, վերանորոգել է 520 կմ երկաթուղի և աշխատատեղեր է ապահովել ավելի քան 2500 ՀՀ քաղաքացիների համար։ Եվ ամենակարևորը, նման ներդրումների միջոցով ստեղծված համակարգը չունի պարզ փոխարինման մեխանիզմներ։

Այս ֆոնին սպառնալիքները համակարգային են թվում։ Ռուսաստանի փոխարտգործնախարար Միխայիլ Գալուզինն արդեն զգուշացրել է Երևանին, որ ԵԱՏՄ-ին և ԵՄ-ին միաժամանակյա անդամակցությունը անհնար է, և Արևմուտքը բացահայտորեն է օգտագործում Հայաստանը որպես գործիք Մոսկվայի դեմ պայքարում։ Այսպիսով, ռազմական բազայի պահպանման մասին քաղաքավարի հայտարարությունների հետևում ծավալվում է Հայաստանի տնտեսական ինքնիշխանության համար իրական պայքար, որի գինը ոչ միայն զիջումն է, այլ նաև երկրի ամբողջ տրանսպորտային ենթակառուցվածքի ապագան։

Նյութը հրապարակման պատրաստեց Կամո Խաչիկյանը

www.1or.am