Հայկական հետախուզությունը հերքում է Բահրուզ Սամադովի հետ կապերը

Լրատվամիջոցների հարցմանը ի պատասխան՝ Հայաստանի Արտաքին հետախուզության ծառայությունը (SVR) հերքել է որևէ կապ ադրբեջանցի հետազոտող, խաղաղության ակտիվիստ և OC Media-ի աշխատակից Բահրուզ Սամադովի հետ, գրում էsovanews.tv–ն : Պատասխանը ուղարկվել է հայ լրագրող Ժիրայր Ոսկանյանին փետրվարի 6-ին: Ոսկանյանը խնդրել էր SVR-ին հաստատել կամ հերքել Սամադովի մեղադրանքի հիմքերից մեկը՝ այն պնդումը, որ նրան «հավաքագրել են» երեք հայ կանայք, որոնք ենթադրաբար եղել են հայկական հետախուզական ծառայության գործակալներ:

SVR-ը պատասխանել է, որ «չի ունեցել և չունի որևէ կապ հարցման մեջ նշված անձանց, այդ թվում Ադրբեջանի քաղաքացիների հետ»:

Սա Երևանի առաջին պաշտոնական հայտարարությունն է Սամադովի դեմ մեղադրանքների վերաբերյալ, ով 2025 թվականի հունիսին՝ իր նախնական ձերբակալությունից մոտ մեկ տարի անց, դատապարտվել է 15 տարվա ազատազրկման պետական ​​դավաճանության համար: Մինչև ձերբակալությունը, Սամեդովը Հայաստանի հետ խաղաղության մոլի կողմնակից էր։

Ավելի վաղ՝ 2025 թվականի ապրիլին, նախնական կալանքի տակ գտնվելու ժամանակ, Սամեդովը բաց նամակ էր գրել Հայաստանի վարչապետ Նիկոլ Փաշինյանին խնդրելով հերքել այն մեղադրանքները, որ ինքը համագործակցել է հայկական հետախուզական ծառայությունների հետ։ OC Media-ն մեկնաբանություն ստանալու համար դիմել է Փաշինյանի գրասենյակ, սակայն պատասխան չի ստացել։

Սամադովը հերքում է իր դեմ առաջադրված մեղադրանքները և  դավաճանության մեղադրանքները անվանում է հորինված։ Իր ցուցմունքում նա նշել է, որ չկան ապացույցներ, որոնք կհաստատեին այն մեղադրանքները, որ ինքը համագործակցել է հայկական հետախուզական ծառայությունների հետ։ Ադրբեջանցի լրագրող Ուլվիա Ալին, ով ևս հետագայում ձերբակալվել է, նախկինում OC Media-ին ասել էր, որ Սամեդովը ձերբակալվել է «պարզապես հայաստանցի ընկերների հետ զրուցելու համար»։ Այդ զրույցներն են ներկայացվել  որպես «ապացույցներ»։ «Իհարկե, դա տեղի է ունեցել, քանի որ նա խաղաղության ակտիվիստ է և քննադատում է Ադրբեջանի կառավարությանը», - ասել է Ալին 2025 թվականի ապրիլին։

Փետրվարի 5-ին Սամեդովը թիվ 11 բանտից Ումբակի հատուկ ռեժիմի գաղութ տեղափոխումը դադարեցնելու վերաբերյալ բողոքարկմանը պարտվելով հացադուլ է հայտարարել։ Նա նախկինում զգուշացրել էր, որ Ումբակի իր տեղափոխումը կարող է հանգեցնել իր մահվան «ուրիշների ձեռքերով»։