Ո՞ւմ և ինչո՞ւ է խանգարում «Արարատ 73»-ի անունը. «Փաստ»

«Փաստ» օրաթերթը գրում է.

Փետրվարի 5-ից կինոթատրոններում կցուցադրվի «Ոսկե դուբլ» ֆիլմը, որը նվիրված է «Արարատ-73»-ին և Նիկիտա Սիմոնյանի հիշատակին: Ռուսաստանում ֆիլմի պրեմիերան կկայանա մի քանի օր ավելի շուտ: Հասկանալի է, որ այդ ֆիլմը դիտել են սահմանափակ թվով մարդիկ, ու դրա մասին կանխավ կարծիք հայտնել հնարավոր չէ առանց դիտելու:

Այդուամենայնիվ, հայաստանյան, այսպես կոչված, «արևմտյան» որոշ շրջանակներ արդեն իսկ պատերազմ են հայտարարել այդ ֆիլմի դեմ: Մեր ունեցած տեղեկություններով, նույնիսկ առաջարկություն կա բոյկոտել, հնարավորինս խանգարել Հայաստանում ֆիլմի ցուցադրությունը: Թերթի աղբյուրները փոխանցում են, որ այդ հարցով նաև դիմել են իշխանություններին: Պատճառաբանությունն այն է, որ ֆիլմում կա «ռուսական քարոզչություն»: Թե ինչն է համարվում «ռուսական քարոզչություն», դժվար է ասել, սակայն կա տեսակետ, որ նման նյարդային արձագանքի պատճառը կարող է լինել այն, որ «Արարատ» անունը կրած թիմի մասին ֆիլմ է ցուցադրվելու Հայաստանում: Սակայն ինչ էլ լինի, փաստը մնում է փաստ, որ նույնիսկ մեր ոսկե թիմի մասին նկարահանված ֆիլմն է որոշ շրջանակների համար դարձել քաղաքական շահարկումների, այս դեպքում՝ հակառուսական հերթական հիստերիան բարձրացնելու առիթ:

Մանրամասները՝ «Փաստ» օրաթերթի այսօրվա համարում