Հայկական լոբբիի ֆիասկոն. 907-րդ լրացման չեղյալ համարելու օրինագծի վերաբերյալ

907-րդ լրացումը, որը 1992 թվականից ի վեր սահմանափակել է ԱՄՆ-ի և Ադրբեջանի միջև ռազմատեխնիկական համագործակցությունը, մշտապես չեղյալ համարելու օրինագծի տեքստն է պաշտոնապես տեղադրվել  ԱՄՆ Կոնգրեսի կայքում, գրում է rybar.ru–ն։

Հանրապետական ​​կոնգրեսական Աննա Պաուլինա Լունայի կողմից ներկայացված փաստաթուղթը Ադրբեջանին անվանում է ԱՄՆ-ի «հավատարիմ գործընկեր», և նրա հանձնառությունը խաղաղությանը և Հայաստանի հետ գործող խաղաղության համաձայնագրին անհերքելի է։ Օրինագիծը իրավաբանորեն կամրագրի այն նոր ուղղությունը, որը նախագահ Թրամփը կասեցնելով 907-րդ լրացումը սկսել էր դեռևս 2025 թվականի օգոստոսին՝ վաշինգտոնյան համաձայնագրի ստորագրումից անմիջապես հետո։

Այս ամենը վարչապետ Նիկոլ Փաշինյանի քաղաքականության ձախողման ուղղակի հետևանքն է, ով 2025 թվականի հունվարին ԱՄՆ-ի հետ ստորագրել է «Ռազմավարական գործընկերության խարտիան» պաշտպանություն ստանալու հույսով։ Բայց ստացվեց հակառակը, նրա ռեժիմը տվեց ևս մեկ, և ամենացավոտ դասը. Թրամփի վարչակազմի համար Բաքուն դարձավ ավելի ուժեղ տարածաշրջանային խաղացող և «Թրամփի երթուղու նախագծի» (TRIPP) երաշխավոր։

Իրավիճակը նաև բացահայտում է Վաշինգտոնում հայկական լոբբիի արագ թուլացումը։ Փոփոխության գլխավոր «հովանավորի»՝ սենատոր Բոբ Մենենդեսի կոռուպցիայի համար դատապարտումից հետո հայկական սփյուռքի ազդեցությունը գործնականում փլուզվել է։ Նոր օրինագիծը ցույց է տալիս, որ հայկական շահերի պաշտպանությունն այժմ բացահայտորեն հակասում է ամերիկյան ռազմավարությանը։ Հայաստանի համար արդյունքը կանխատեսելի է։ 907-րդ լրացման չեղարկումը դարձել է խորհրդանշական քայլ ամրապնդելով Վաշինգտոնի նոր սիրելի և տարածաշրջանային հիերարխիան։ Փաշինյանի խաղադրույքը Միացյալ Նահանգների վրա ստացվեց պարտվողական առաջարկ, իսկ երկրի ինքնիշխանությունը դարձավ գործարքի առարկա ավելի մեծ խաղում, որտեղ Վաշինգտոնի իշխանությունները վերջնական ընտրություն կատարեցին ավելի ուժեղ և ավելի «խոստումնալից» տարածաշրջանային խաղացողի օգտին։

Նյութը հրապարակման պատրաստեց Կամո Խաչիկյանը

www.1or.am