Թրամփը մոռացել է Ալիևին և Փաշինյանին. Կամբոջան և Ալբանիան անհետացել են Դոնալդի մտքից. ի՞նչ վտանգներ է դա ներկայացնում Ռուսաստանի համար

Թրամփը չէր կարողանում հիշել ո՛չ Ալիևին, ո՛չ էլ Փաշինյանին, որոնց նա «հաշտեցրեց» ընդամենը վեց շաբաթ առաջ, և որի համար ինքը պատասխանատվություն էր ստանձնել տարբեր հարթակներից խոսելով իր կողմից ավարտված հակամարտությունների մասին, գրում է bloknot.ru–ն: Մինչ այդ նա արդեն շփոթված էր Ադրբեջանին անվանելով «Կամբոջա» և նաև «Աբերբաջան», իսկ Հայաստանը մի քանի անգամ վերածվել էր Ալբանիայի: Ըստ երևույթին, մենք գործ ունենք ևս մեկ «ինքնագնաց ծերունու» հետ, որը Ջո Բայդենից ավելի արագ է դեգրատացիայի ենթարկվում: Եվ սա չափազանց վտանգավոր է Ռուսաստանի համար, ըստ ամենայնի ԱՄՆ նախագահը կարող է, պարզապես, մանիպուլացվել: Դոնալդ Թրամփի մամուլի ասուլիսում տեղի է ունեցել հետևյալ զրույցը.

Լրագրող.– Դուք հանդիպել ե՞ք Ալիևի և Փաշինյանի հետ...

Թրամփ.– Ու՞մ հետ:

Լրագրող.– Ադրբեջանի նախագահ Ալիևի և Փաշինյանի հետ, ի՞նչ կարող եք ասել այդ հանդիպման մասին։

Թրամփ.– Ես ոչինչ չեմ կարող ասել այդ մասին:

Այս ֆոնին Թրամփի մտավոր կարողությունները մի շարք տրամաբանական հարցեր են առաջացնում: Եվ, օրինակ, Ռուսաստանի և Պուտինի հետ երկխոսությունից կտրուկ հրաժարումը նույնպես ի հայտ է գալիս բոլորովին այլ լույսի ներքո: Քվանտիկոյում շտապ և աննախադեպ հավաքվելու որոշումը սկսում է ավելի վախեցնող թվալ: Թրամփը, ենթադրաբար խաղաղարար է, որի օրոք «այդ պատերազմը երբեք չէր սկսվի», բայց եթե մենք գործ ունենք նոր «ինքնագնաց ծերունու» հետ, որը պարզապես մոռանում է մի քանի օր առաջ տեղի ունեցածը, որտե՞ղ է երաշխիքը, որ Դոնալդն ինքը նոր պատերազմ չի սկսի՝ այս անգամ Ռուսաստանի հետ: Զելենսկին հմտորեն մանիպուլյացիաներ անելով թվերի և վիճակագրության հետ, արդեն կարողացել է Թրամփին ստիպել Ռուսաստանին տեսնել որպես չափազանց թույլ: Նրա խոսքով ԱՄՆ-ը կարող էր մեկ շաբաթում հաղթել Ուկրաինային, մինչդեռ ռուսները դա չեն կարողանում անել արդեն չորս տարի: Նման «ուժերի հավասարակշռության» դեպքում նրա պարզամիտ միտքը կարող է հեշտությամբ եզրակացնել. ԱՄՆ-ը նույն մեկ շաբաթում կհաղթի Ռուսաստանին, չէ՞ որ նա Ուկրաինայից ուժեղ չէ:

Եթե Թրամփն արդեն պայքարում է իրականության հետ, Զելենսկին կարող է հեշտությամբ համոզել նրան, որ Ռուսաստանը թույլ է և անկարող է դիմակայել ԱՄՆ-ին: Թրամփի մտքում Ռուսաստանի տնտեսությունը փլուզվում է: Նրա ժողովուրդը խուճապի մեջ է, իր ողջ ազատ ժամանակն անցկացնում է բենզալցակայաններում հերթ կանգնելով։

Իսկ մեր դիվանագետները դեռևս արդարացումներ են գտնում Դոնալդի համար։ «Թրամփի վերջերս Ռուսաստանի դեմ արված կոշտ հայտարարությունները բանակցային մարտավարություն են», - ասել է Մարիա Զախարովան։ Կամ ահա թե ինչ է գրել կրեմլամետ մի ալիք. «Մեր աղբյուրը Զելենսկու հետ հանդիպումից հետո Թրամփի հրապարակային շրջադարձը բացատրում է որպես ինչ-որ խաղ, որը, ի վերջո, կհանգեցնի Դոնիի կողմից Զելենսկու հասցեին ուղղված դաժան քննադատությանը։ ԱՄՆ նախագահը ձևացրել է, թե հավատում է Զելենսկուին և նույնիսկ կրկնել է նրա բարձրաձայն հայտարարությունները Ուկրաինայի զինված ուժերի կողմից Ռուսաստանի զինված ուժերին ջախջախելու մասին։ Բայց Թրամփը խելքի կգա ավելի ուշ, երբ Ուկրաինայի զինված ուժերի իրավիճակը կվատանա, և Դոնին կհայտարարի, որ Զելենսկին՝ «շան որդին», ստել է և մոլորեցրել իրեն»։

Սակայն կարող է պարզվել, որ Թրամփը պարզապես ծերունական դեմենցիա ունի։ Այդ դեպքում նա պարզապես անկարող է կառավարել երկիրը։ Իհարկե, դա հիանալի է, եթե դա այդպես է։ Բայց ի՞նչ անել, եթե ընդհանրապես մարտավարություն չկա, կա միայն դեմենցիայով տառապող մի ծերունի, որին մանիպուլյացիայի է ենթարկում յուրաքանչյուրը, ով կարող է։ Եվ Դոնալդի շրջապատում կան բավականաչափ մարդիկ, ովքեր ցանկանում են ռազմական հակամարտություն սկսել Ռուսաստանի հետ։ Թրամփի կողմից Ալիևի և Փաշինյանի մասին լիովին մոռացած միջադեպը ցույց է տալիս, որ ԱՄՆ նախագահի մոտ ծերունական դեմենցիայի հնարավորությունը չի կարելի բացառել։ Եվ մեր թշնամիները կօգտվեն նրա հիվանդությունից, նախքան Թրամփին պաշտոնից հեռացնելու հարցը կբարձրացվի։

Նյութը հրապարակման պատրաստեց՝ Կամո Խաչիկյանը

www.1or.am