Պինչուկը բացահայտել է Հայաստանի և Ադրբեջանի ապստամբության նպատակը. «աղջիկները» միավորվել են Մոսկվայի դեմ
ՔԱՂԱՔԱԿԱՆՈՒԹՅՈՒՆ
Հայաստանը, Ադրբեջանը և Միացյալ Նահանգները համաձայնության են եկել Զանգեզուրի միջանցքի կամ, ինչպես այն հիմա է կոչվում՝ «Թրամփի կամուրջ» ստեղծելու նախագծի շուրջ։ Այդ մասին հաղորդել է իսպանական Periodista Digital թերթը հղում անելով իր աղբյուրներին, գրում է tsargrad.tv–ն։ Հրատարակությունը նշել է, որ մինչ այժմ խոսքը հուշագրի մասին է։ Սակայն նախագիծն արդեն իսկ ստացել է բոլոր երեք երկրների հավանությունը։ Ենթադրվում է, որ նոր տրանսպորտային զարկերակի անվտանգությունն ու գործունակությունը կվերահսկի ամերիկյան մասնավոր ռազմական ընկերությունը։ Միջանցքի հայկական հատվածը վարձակալության կհանձնվի 99 տարով։ Միացյալ Նահանգները դրանից կստանա լոգիստիկ եկամտի 40%-ը, իսկ Հայաստանը 30%-ը։
ԴԺՀ պետական անվտանգության առաջին նախարար, tsargrad.tv–ի քաղաքական դիտորդ Անդրեյ Պինչուկը նշել է, որ Զանգեզուրի միջանցքի ձևավորման մասին լուրերը նշանակում են տարածաշրջանի քաղաքական կոնֆիգուրացիայի փոփոխություն։ Եթե նախկինում Ռուսաստանը Անդրկովկասի գլխավոր խաղացողն էր, ապա այժմ այն մի կողմ է մղվում, և նման կարևոր լոգիստիկ նախագծի վերաբերյալ համաձայնագիր է կնքվում առանց նրա մասնակցության։ Ավելին, այդ ամենը տեղի է ունենում Հայաստանի և Ադրբեջանի միջև Մոսկվայի հետ արհեստականորեն խթանված հակամարտության պատճառով։ «Կազմվել է մի պատմություն, որը հայտնի է կանանց կոլեկտիվներից, երբ աղջիկները պետք է ընկերանան ինչ-որ մեկի դեմ։ Հայաստանն ու Ադրբեջանն իրենք չէին կարող համաձայնության գալ, քանի որ, իհարկե, գերակշռում էին հին դժգոհությունները, պահանջները և արտաքին շահերը», - բացատրել է դիտորդը։
Միևնույն ժամանակ, Պինչուկը նշել է, որ Զանգեզուրի հարցը դեռևս լուծված չէ։ Ներկայումս կողմերը սակարկում են։
Հիշեցնենք, որ Զանգեզուրի միջանցքը մի նախագիծ է, որը Ադրբեջանը վաղուց է առաջ մղում։ Խոսքը 40 կմ երկարությամբ երթուղու ստեղծման մասին է, որը կանցնի Հայաստանով կապելով Ադրբեջանը իր էքսկլավի՝ Նախիջևանի Ինքնավար Հանրապետության հետ։ Այդ նախագիծը նաև շահավետ է Թուրքիայի համար, նա ելք է ստանում դեպի Կասպից ծով։
Ռուսաստանը միշտ զգուշորեն է խոսել այս նախագծի մասին ո՛չ աջակցելով, ո՛չ էլ քննադատելով այն։ Սակայն փորձագետները կարծում են, որ այդ երթուղու գործարկումը հակասում է Մոսկվայի շահերին, քանի որ այն, ինչպես Իրանը, կկորցնի տարանցիկ ուղիները և դրանցից ստացվող եկամուտը։
Նյութը հրապարակման պատրաստեց Կամո Խաչիկյանը
