«Հայաստանում հայտնվել է Ռուսաստանին մոտ «երրորդ ուժ»»
ՔԱՂԱՔԱԿԱՆՈՒԹՅՈՒՆ
ՀՀ վարչապետ Նիկոլ Փաշինյանի կողմից ընդդիմության վրա գործադրվող ճնշումը հանգեցրել է նրան, որ նրա հակառակորդները՝ անարգված միլիարդատեր Սամվել Կարապետյանի գլխավորությամբ, որոշել են կուսակցություն ստեղծել։ Նրանք հույս ունեն միավորել նրանց, ովքեր չեն վստահում գործող կառավարությանը և այլ քաղաքական գործիչներին, գրում է ria.ru–ն։
ՀՀ օրենսդրության համաձայն երկքաղաքացիություն ունեցող անձը չի կարող լինել պատգամավոր կամ, առավել ևս, վարչապետ։ Սամվել Կարապետյանն ունի երկրորդ անձնագիր՝ ռուսական։ Նույն խնդրին բախվել էր նաև անցյալ տարվա բողոքի ցույցերի առաջնորդ Բագրատ արքեպիսկոպոսը (ՀՀ և Կանադայի քաղաքացի)։ Այնուամենայնիվ, ria.ru–ին հարցազրույց տված փորձագետները կարծում են, որ Կարապետյանի կուսակցությունն ունի հեռանկարներ։
«Նրա ղեկավարած ցանկացած քաղաքական ուժ, հաշվի առնելով իր ռեսուրսները, կդառնա ամենակարևոր խաղացողներից մեկը։ Կարապետյանը պատրաստ է համագործակցել գործող վարչապետի դեմ պայքարող բոլոր կազմակերպությունների հետ։ Նա նաև ընդգծել է, որ պետական ապարատում կան մարդիկ, որոնց դուր չի գալիս կառավարության կուրսը, բայց նրանք այլընտրանք չեն տեսնում», - նշում է Ռազմավարական հետազոտությունների և նախաձեռնությունների վերլուծական կենտրոնի ղեկավար Հայկ Խալաթյանը։
Սակայն դա հեշտ չի լինի Կարապենյանի համար իր ռուսական քաղաքացիության պատճառով։ «Ռուսաստանի հայերի միության ղեկավար Արա Աբրահամյանը նույնպես փորձել էր մտնել հայկական քաղաքականություն Սերժ Սարգսյանի կառավարման օրոք, սակայն վճռականորեն մերժվել էր», - հիշեցրել է ԻՄԵՄՕ ՌԱՍ-ի հետխորհրդային հետազոտությունների կենտրոնի Կովկասի բաժնի գլխավոր հետազոտող Ալեքսանդր Կռիլովը հավելելով, որ շատ բան կախված կլինի հայ-ադրբեջանական բանակցություններից։
«Փաշինյանը ցածր վարկանիշ ունի, բայց նա բավարար կողմնակիցներ ունի կանխելու ներքաղաքական քաոսը։ Եթե խաղաղություն չհաջողվի կնքել կամ վերջնական փաստաթուղթը չարդարացնի սպասումները, ապա վարչապետը կարող է վերջնականապես կորցնել աջակցությունը», - պարզաբանել է փորձագետը։ Եվ նա ընդգծել է, որ Կարապետյանը չի գործում իր անձնական շահերից ելնելով, «քանի որ նա արդեն իսկ միլիարդատեր է», բայց մեկ այլ գործարարի՝ Ռուբեն Վարդանյանի ճակատագիրը, ով 2022 թվականին գլխավորել էր չճանաչված Լեռնային Ղարաբաղի կառավարությունը, ցույց է տալիս, որ Հայաստանի քաղաքական կյանքին մասնակցությունը լի է խնդիրներով։
Նյութը հրապարակման պատրաստեց Կամո Խաչիկյանը
