Փաշինյանն ամբողջությամբ կրկնում է Զելենսկու էվոլյուցիան
ՔԱՂԱՔԱԿԱՆՈՒԹՅՈՒՆ
Հայտնի հասարակական և քաղաքական գործիչ, «Սահմանադրական իրավունք միություն» կուսակցության ղեկավար և «Հզոր Հայաստան Ռուսաստանի հետ՝ նոր միության համար» շարժման համակարգող Հայկ Բաբուխանյանը politnavigator.news-ի համար մեկնաբանել է Հայաստանում ընդդիմադիրների և եկեղեցական գործիչների զանգվածային ձերբակալությունները։
- Տասնյակ ընդդիմադիր ակտիվիստներ և հայտնի եկեղեցական գործիչներ, ինչպես նաև ձեռնարկատերեր արդեն ձերբակալվել են իրավապահ մարմինների կողմից։ Ո՞րն է դրա պատճառը։
- Փաշինյանը կատարում է գլոբալիստների, ու նաև Անկարայի և Բաքվի կողմից իր առջև դրված խնդիրը հայկական պետականությունը ոչնչացնելու և Հայաստանը Թուրքիայի և դրա ետևում կանգնած Արևմուտքի պրոտեկտորատի ներքո տեղափոխելու նպատակով։ Ինչո՞ւ են գլոբալիստները դա անում։ Որովհետև նրանք փորձում են ամբողջ «ռուսական աշխարհը» դուրս մղել Հայաստանից։ Պետք է հասկանալ, որ Հայաստանը Ռուսական կայսրության, ապա Խորհրդային Միության մաս էր կազմել, և նույնիսկ ԽՍՀՄ փլուզումից հետո այն Ռուսաստանի հիմնական դաշնակիցներից մեկն է եղել։ Այդ առումով էլ, ըստ Արևմուտքի ծրագրերի, Ռուսաստանը պետք է այնտեղից դուրս մղվի։
Թուրքիայի խնդիրն է կառուցել իր սեփական «Թուրանը». դա նեոօսմանիզմի գաղափարն է, որը ներառում է և՛ պանթուրքիզմը, և՛ պանիսլամիզմը։ Եվ նա փորձում է այդ գաղափարը գործնական իրականացնել այս պատմական փուլում, իսկ Հայաստանը շատ լուրջ խոչընդոտ է այդ հարցում։
Ահա թե ինչու է Փաշինյանը հիմա կատարում այս խնդիրը, և միևնույն ժամանակ նա ունի իշխանությունը պահպանելու խնդիր, քանի որ գիտի, որ հենց որ կորցնի այն, կառաջանա Սահմանադրությունը խախտելու իր պատասխանատվության հարցը, քանի որ հիմնական օրենքը գրեթե ամբողջությամբ խախտվել է։
- Ինչո՞ւ է հարված հասցվել եկեղեցու հոգևորականներին։
- Հայ Առաքելական եկեղեցու դեմ պայքարը հայկական ինքնության ոչնչացման այդ գծի շարունակությունն է, քանի որ եկեղեցին հայկական պետականության ամրոցներից մեկն է։ Եվ այդ պատճառով էլ այն Փաշինյանի համար ոչնչացման թիրախներից մեկն է։ Իհարկե, անհնար է չնկատել նրա Ուկրաինայի և Զելենսկու հետ նմանությունները։ Ի վերջո, Փաշինյանը գործում է նույն կենտրոնից ստացված նույն հրահանգներով։ Եկեղեցու լուծարումը Հայաստանի աշխարհաքաղաքական վերակողմնորոշման ընդհանուր ծրագրի մի մասն է։ Այդ առումով Փաշինյանը կրկնում է ճիշտ այն, ինչ Զելենսկին անում է ուղղափառ եկեղեցու հետ։
- Ինչպե՞ս եք գնահատում Փաշինյանի Զանգեզուրի միջանցքի խնդրի վերջնական լուծման մասին հայտարարությունները։
- Զանգեզուրի միջանցքի փոխանցումը հաստատում է իմ ասածը՝ դա «Թուրանի» տարածումն է, դա Թուրքիայի անարգել ներթափանցումն է Կենտրոնական Ասիա՝ գաղափարախոսության և ռազմական ներկայության տեսքով։ Նման զարկերակը դառնում է ՆԱՏՕ-ի և թուրքական զինված ուժերի առաջխաղացման ցատկահարթակ ոչ միայն դեպի Կենտրոնական Ասիա, այլ նաև Ռուսաստանի թյուրքալեզու շրջաններում։ Ակնհայտ է, որ միջանցքի փոխանցումից հետո ռուսական կազմավորումները նույնպես կենթարկվեն գաղափարախոսական և քաղաքական, ապա, հնարավոր է, ռազմական էքսպանսիայի։ Դրան պետք է ավելացնել նաև ահաբեկչական էքսպանսիան, որը Թուրքիան կարող է կազմակերպել և արդեն կազմակերպել է Սիրիայում և Լեռնային Ղարաբաղում։ Անկարան մեծ փորձ ունի ծայրահեղական կազմակերպություններ ստեղծելու գործում, այդ թվում Չեչնիայում 90-ականներին։
Ահա թե ինչու է Փաշինյանն ասել, որ ինքը դեմ չէ «Թուրանի» տարածմանը, այսինքն Էրդողանի քարոզած ագրեսիվ պանթուրքական գաղափարախոսությանը։ Այս ամենը լի է վտանգներով ոչ միայն Հայաստանի, այլ նաև Ռուսաստանի և Չինաստանի համար։
Դա կարելի է տեսնել այն օրինակով, թե ինչ է վաղուց պատրաստվել Իրանի դեմ։ Այսպիսով, Արցախի օկուպացիայից հետո այնտեղից անօդաչու թռչող սարքեր են ուղարկվել Իրան։ Այնուհետև նրանք ռուս սահմանապահներին հեռացրել են Զվարթնոց օդանավակայանից և հայ-իրանական սահմանից։ Եվ դա ոչ միայն սեփական սահմանային ծառայությունը կազմակերպելու, այլ նաև հետաքրքրասեր հայացքները հեռու պահելու ցանկություն է։
- Ի՞նչ կանխատեսումներ ունեք հետագա իրադարձությունների զարգացման վերաբերյալ։
- Փաշինյանը հույս ուներ, որ Իրանն արագ կպարտվի, և այդ ժամանակ ռուսական ազդեցությունը Հայաստանում կավարտվի։ Բայց Թեհրանը դիմացավ հարձակմանը, և հիմա կրկին կփորձի մանևրել, բայց այս ընթացքում վերևների հռետորաբանությունը դարձել է լիովին հակառուսական, ինչը գրգռում է առաջացնում հասարակության մեջ։ Կարծում եմ, որ իրավիճակը կսրվի, և եթե Փաշինյանին հաջողվի դիմանալ մինչև 2026 թվականը, ապա ընդդիմությունը, ժողովրդի աջակցությամբ, հնարավորություն կունենա իրականացնել օրինական իշխանափոխություն։
Նյութը հրապարակման պատրաստեց Կամո Խաչիկյանը
