Սիրել, նշանակում է ապրել նրա կյանքով, ում սիրում ես
ՖՈՏՈ
Կոմս Լև Նիկոլաևիչ Տոլստոյը (16(28).08.1828 – 25.10(07.11).1910 թթ.) եղել է ռուս և համաշխարհային խոշորագույն գրողներից և մտածողներից մեկը, 1854-1855 թվականների Սևաստոպոլյան պաշտպանության մասնակից: Տոլստոյը եղել է լուսավորական, հրապարակախոս, կրոնական մտածող, ում հեղինակավոր կարծիքը սկիզբ է դրել կրոնաբարոյական նոր հոսանքի՝ տոլստոյականության: Եղել է Կայսերական Գիտությունների ակադեմիայի թղթակից-անդամ, բելետրիստիկայի պատվավոր ակադեմիկոս: Տոլստոյի առավել հայտնի գործերից են «Պատերազմ և խաղաղություն», «Աննա Կարենինա», «Հարություն» վեպերը, «Մանկություն», «Պատանեկություն», «Երիտասարդություն» ինքնակենսագրական եռագրությունը, «Կազակներ, «Իվան Իլյիչի մահը», «Կրեյցերյան սոնատ», «Հաջի Մուրադ» վիպակները, «Սևաստոպոլյան պատմություններ» ակնարկների շարքը, «Կենդանի դիակ» և «Խավարի իշխանություն» դրամաները, «Խոստովանություն» և «Ո՞րն է իմ հավատը» ինքնակենսագրական կրոնափիլիսոփայական ստեղծագործությունները և այլն։
1. Նա, ով ձգտում է ինքնակատարելագործման, երբեք չի հավատա, որ այդ ինքնակատարելագործումն ունի սահման:
2. Չկա եսասիրության ավելի վիրավորական ձև, քան ինքնազոհաբերությունը:
3. Բացահայտ չարությունը պակաս է վանում, քան կեղծավոր բարությունը:
4. Իմաստուն մարդն ավելի հաճախ լռում է, քանզի նա վախենում է, որ իր բառերը կասեն ավելին, քան ինքը կարող է անել, այդ պատճառով նա խոսում է միայն այն ժամանակ, երբ դա անհրաժեշտ է ոչ թե անձամբ իրեն, այլ ուրիշ մեկին:
5. Մարդիկ բաժանվում են երկու կարգի. նրանք, ովքեր սկզբում մտածում են, իսկ հետո ասում են և, համապատասխանաբար, անում, և նրանք, ովքեր սկզբում գործում են, իսկ հետո արդեն մտածում են:
6. Մենք մեզ հաճախ թույլ ենք տալիս մտածել, որ հին մարդիկ նման են անփորձ երեխաների: Սակայն իրականում մենք ենք երեխաներ՝ կյանքի նրանց խորը և մաքուր ըմբռնման հանդեպ:
7. Մարդկանց ձգտումը հաճախ ուղղված է ոչ թե, իրենց կարծիքով, լավ բան անելուն, այլ նրան, որ արդյունքում հնարավորություն ունենան հնարավորինս շատ բան իրենց սեփականությունը կոչելու:
8. Մարդը որքան լավն է, այնքան քիչ է վախենում մահից:
