Վիտամին, որի պակասը հանգեցնում է մեջքի ու հոդերի սարսափելի ցավերի
ՖՈՏՈ
Med.Tert.am/Շատերը կարծում են, որ հոդացավերը ծերացման բնական հետևանքներն են: Սակայն լինում են բազմաթիվ դեպքեր, երբ դրանք պայմանավորված են լինում վիտամինի պակասով:
Մեծ մասամբ, ծերության հետևանքով, հոդերը սկսում են ցավել: Սակայն այդ ցավը կարող է լինել նաև ավելորդ քաշի, սխալ սննդի կամ թթվայնության բարձր մակարդակի արդյունքում: Վերջերս անցկացված մի ուսումնասիրություն ցույց է տվել, որ հոդացավերը կարող են պայմանավորված լինել վիտամին D-ի պակասով: Բացի այդ, այս խնդիրը, ժամանակին չլուծելու դեպքում, կարող է հանգեցնել ցավի ուժեղացման, ոսկորների խնդիրների ու արթրիտի, ուստի շատ կարևոր է տարբերել օրգանիզմում վիտամին D-ի պակասի ախտանշանները:
Օրգանիզմում վիտամին D-ի պակասի ախտանշաններն են.
· հավասարակշռության կորուստը,
· քնի խանգարումները,
· ոտքերի հատվածում այրոցն ու քորը,
· ոտքերի ցավը:
Ինչպես հաղորդում է healthyfoodhouse.com կայքը, այս վիտամինի պակասը օրգանիզմում կարելի է պարզել շատ պարզ թեստի օգնությամբ: Անհրաժեշտ է սեղմել կրծքավանդակին և հետևել օրգանիզմի ռեակցիային (որքա՞ն շուտ կնկատվեն ցավոտ զգացողություններ) . եթե սեղմելիս կրծքավանդակն անմիջապես սկսում է ցավել, նշանակում է անհրաժեշտ է ավելի շատ վիտամին D ընդունել:
Առաջին հերթին՝ վիտամին D-ի մակարդակը բարձրացնելու համար անհրաժեշտ է օրվա ընթացքում առնվազն 10-15 րոպե արևի տակ անցկացնել:
Բացի այդ, վիտամին D կարելի է ստանալ նաև սննդի միջոցով: Վիտամին D-ով հարուստ են ձվի դեղնուցը, թյունոսը, սնկերը, սկումբրիան և այլն:
Սննդակարգի մեջ փոփոխություններ չանելու համար կարելի է նաև դիմել հատուկ հավելումների օգնությանը:
