Դաշնային խորհրդում գնահատել են ԵՄ-ին Հայաստանի անդամակցության հեռանկարները

Մենք դեմ չենք, այդ դեպքում հանրապետության անդամակցությունը ԵԱՏՄ-ին, որտեղից նա ներկայումս «օգուտներ է քաղում», կդադարեցվի, քանի որ նման զարգացումը կբերի շահերի բախման։ Այդ մասին «Խոսում է Մոսկվան» ռադիոկայանին տված հարցազրույցում ասել է Դաշնության խորհրդի միջազգային հարցերով կոմիտեի նախագահի առաջին տեղակալ Վլադիմիր Ջաբարովը, գրում է govoritmoskva.ru–ն։ Սենատորն ընդգծել է, որ երկիրն իրավունք ունի ինքնուրույն լուծել նման հարցերը հանրաքվեի միջոցով։ «Մենք դեմ չենք, խնդրեմ, եթե Հայաստանը ցանկանում է անդամակցել Եվրամիությանը, և ժողովուրդը դրան կողմ է քվեարկում հանրաքվեի ժամանակ՝ ոչ ոք չի առարկի: Ուղղակի փոխվարչապետ Ալեքսեյ Օվերչուկն ասել է, որ Հայաստանի անդամակցումը Եվրոպական միությանն անհապաղ դադարեցնում է նրա անդամակցությունը Եվրասիական տնտեսական միությանը, քանի որ շահերի բախում կլինի: ԵՄ–ին միանալու գործընթացն արագ չէ, թող որոշեն, հետո հանրաքվեի դնեն՝ որոշում ընդունեն: Իսկ այն թե ե՞րբ նրանք հրավեր կստանան Եվրամիությունից, ես չգիտեմ: Ես տեսել եմ, թե ինչպես էր Ուկրաինան ցանկանում անդամակցել ԵՄ–ին՝ չստացվեց, թե ինչպես է Մոլդովան ցանկանում անդամակցել՝ նույնը: Եթե Հայաստանը շարունակի բարձր արդյունքներ ստանալ ԵԱՏՄ–ից, ապա, հավանաբար, այդ հարցն ինքնստինքյան դուրս կգա»,– ասել է Ջաբարովը:

Նյութը հրապարակման պատրաստեց Կամո Խաչիկյանը

www.1or.am