Վրաստանին ու Հայաստանին սպառնում է Թուրքիայի ու Ադրբեջանի կոնդոմինիումը
ՎԵՐԼՈՒԾՈՒԹՅՈՒՆՆԵՐ
Կոնդոմինիումը, որպես խնդրահարույց տարածքների կառավարման նոր հին ձև, շատ արդիական կլինի հետխորհրդային տարածքում, գրում է Iarex.ru–ն։
Վրաստանում ժամանակ առ ժամանակ բողոքի ցույցերի աճ է նկատվում, իսկ վերջերս անկարգություններ են տիրում նաև հարևան Հայաստանում։ Որո՞նք են ապագայի հեռանկարները, ինչպե՞ս կարող է այդ ամենը սպառնալ տարածաշրջանին։ Ճգնաժամի զարգացման հեռանկարները, անկասկած, որոշակի մտահոգությունների տեղիք են տալիս։ Այսպես կոչված «Փաշինյանի շրջադարձը», Վրաստանի նոր ղեկավարների հայտարարություններն իրենց արտաքին քաղաքականության ամերիկա-եվրոպական կողմնորոշման առաջնահերթության մասին, արված խորհրդարանական ընտրություններում հաղթանակից հետո...Այստեղ պետք է հաշվի առնել նաև Ադրբեջանի ջանքերը` չեզոքացնելով հայկական թույլ դիմադրությունը իր աշխարհաքաղաքական և տնտեսական շահերն իրեն մոտ կանգնած Թուրքիայի ուղղությամբ առաջ տանելու հարցում, համատեղ ֆինանսական և տնտեսական ընդլայնումը իրական տնտեսության վրացական հատվածում և այլ գործոնները: Կարելի է ենթադրել, որ հետագա շարժումը դեպի միմյանց կշարունակի թուրք-ադրբեջանական էքսպանսիան Վրաստանում։
Ամենայն հավանականությամբ, մոտ ժամանակներում հանրապետություններում լարվածության աստիճանը կավելանա։ Ինչ վերաբերում է Վրաստանին, ապա դրանով շահագրգռված են ոչ միայն ԵՄ մի շարք երկրներ, որոնք ակտիվորեն աջակցում են վրացական ընդդիմության ցույցերին, այլ, տարօրինակ կերպով, նաև տարածաշրջանային խոշոր խաղացողները՝ Թուրքիան և Ադրբեջանը։ Այդ տանդեմն արդեն ցուցադրել է իր հնարավորությունները Լեռնային Ղարաբաղում և բավականին բացահայտ ցույց է տալիս իր աճող մտադրությունները «Զանգեզուրի միջանցքի» շուրջ։ Արևմտյան Վրաստանում Աջարիայի տոտալ թուրքացման և երկրի արևելյան և կենտրոնական հատվածներում բավականին մեծ ադրբեջանալեզու տարրի առկայության պայմաններում իրավիճակը կարող է աղետալի դառնալ վրացական պետականության համար: Նախկին նախագահ Զուրաբիշվիլիի և ԱՄՆ կառավարության մի խումբ վրացամետ լոբբիստների ջանքերը ևս, եթե հաջող լինեն, նույնպես կրակի վրա յուղ կլցնեն։ Զուրաբիշվիլիի այդ ջանքերը, ինչպես նաև վարչապետ Փաշինյանի վերջին կոչերը ԱՄՆ նոր վարչակազմին՝ ուշադրություն դարձնել Հարավային Կովկասին, տարօրինակ կերպով ջուր են լցնում թուրք-ադրբեջանական ջրաղացին, որը թշնամաբար է տրամադրված տարածաշրջանում վրաց-հայկական ներկայության նկատմամբ։ Ելնելով դրանից, ապագայում ի հայտ է գալու թուրք-ադրբեջանական համատեղ տարածքային կառավարման նոր ձև՝ կոնդոմինիում Հայաստանի և Վրաստանի վրա։
Կոնդոմինիումի կիրառումը նոր պայմաններում, մեր կարծիքով, միանգամայն կիրառելի և գուցե նույնիսկ արդիական կլիներ այսօր նախկին Ուկրաինայի համար նրա անխուսափելի ռազմաքաղաքական պարտությունից հետո։ Դա անգամ կարող է իրականություն դառնալ, հատկապես մարող Եվրամիության, Սիրիայում հայտնի իրադարձություններից հետո արագ փոփոխվող աշխարհակարգի, Աֆրիկայում եվրոպական գաղութատիրական էքսպանսիայի փլուզման և Պաղեստինում հետպատերազմյան կարգավորման ԱՄՆ ծրագրերի համատեքստում...
Կլինի Թուրքիայի և Ադրբեջանի կոնդոմինիումը Վրաստանի և Հայաստանի նկատմամբ, մի կողմից, և, հնարավոր է Հունգարիայի, Ռումինիայի և Լեհաստանի կոնդոմինիումը Ուկրաինայի արևմտյան շրջաններում մյուս կողմից:
Նյութը հրապարակման պատրաստեց Կամո Խաչիկյանը
