Դուգին. «Էթնիկ երանգավորումներով ահաբեկչություն ռուս հայրենասերների դեմ»
ՔԱՂԱՔԱԿԱՆՈՒԹՅՈՒՆ
Մոսկվայի կենտրոնում տեղի ունեցած պայթյունը, որի հետևանքով հիվանդանոցում մահացել է «Արբատ» գումարտակի հիմնադիր Արմեն Սարգսյանը, ահաբեկչություն էր ուղղված ռուս հայրենասերների ահաբեկմանը։ Այս մասին Ռադիո Sputnik-ի եթերում հայտարարել է ռուս հայտնի փիլիսոփա Ալեքսանդր Դուգինը, գրում է politnavigator.news–ը։
«Իհարկե, խոսքը գնում է էթնիկ ենթատեքստով թիրախավորված, մատնանշված ահաբեկման, քանի որ դա ռուս հայրենասերների հայկական խումբ է, որը հերոսաբար կռվում է Հյուսիսային Կովկասի ռազմական օկրուգի ճակատներում։ Իսկ առաջնորդին, այդ շարժման խորհրդանշական կերպարին ոչնչացնելու որոշումը կայացրել են Զելենսկին և նրա արևմտյան հովանավորները։ Ահաբեկչության հերթական հանդուգն օրինակը, որն, անկեղծ ասած, չի կարող զարմացնել մեզ։ Մենք հիանալի հասկանում ենք, որ Ուկրաինան պետություն չէ, այլ ահաբեկչական կազմակերպություն, այլ ոլորտներում պարտության դեպքում նրանց միակ մեթոդն ահաբեկչությունն է։ Իհարկե, տխուր է, որ դա տեղի է ունեցել մայրաքաղաք Մոսկվայի կենտրոնում։ Եվ դա ակնհայտորեն նպատակ ուներ վախեցնել ինչպես ռուս կամավորներին, այնպես էլ հատկապես հայերին և այլ էթնիկ խմբերին, ովքեր իրենց զգում են Ռուսաստանի հայրենասերներ»,- ասել է Դուգինը։
Նա խոստովանում է, որ չգիտի, թե ինչպե՞ս պաշտպանվել ուկրաինական ահաբեկչությունից։ «Մենք պետք է ինչ-որ բան անենք, այլապես այդ ահաբեկչական հարձակումները շատ ավելի շատ կլինեն: Բայց անընդհատ մնում է այն զգացումը, որ մեզ ինչ-որ բան պակասում է: Ուղղակի հիմա ներքին մոբիլիզացիայի մակարդակը, պաշտպանական հոգեբանության մոբիլիզացիայի մակարդակը, պաշտպանական գիտակցությունը, ռազմական հոգեբանությունը, եթե կուզեք, պետք է նոր մակարդակի բարձրացվի»,- հավելել է փիլիսոփան։
Նյութը հրապարակման պատրաստեց Կամո Խաչիկյանը
