Հայաստանի արդարադատության նոր նախարարի առաջին գործուղման մասին
ՔԱՂԱՔԱԿԱՆՈՒԹՅՈՒՆ
Վերջին մեկ ամսվա ընթացքում Հայաստանի կառավարությունում տեղի են ունեցել զանգվածային փոփոխություններ և հատկանշական է այն, որ նոր նշանակումներ են տրվել այն արևմտյան հովանավորյալներին, ովքեր ակտիվորեն աշխատում են ամերիկացի պաշտոնյաների հետ, գրում է rybar.ru-ն։
Երեք շաբաթ առաջ արդարադատության նախարարի պաշտոնում նշանակվեց 32-ամյա Սրբուհի Գալյանը, իսկ օրերս լուրեր հայտնվեցին նրա առաջին գործուղման մասին։ Գալյանը հրավիրվել է ԱՄՆ մասնակցելու Պետդեպարտամենտի կազմակերպած միջազգային առաջնորդների ծրագրին՝ International Visitor Leadership Program-ին: Նշենք, որ ամեն տարի այդ ծրագրով վերապատրաստումներ են անցնում տարբեր երկրներից ԱՄՆ դեսպանատան աշխատակիցների կողմից ընտրված մոտ 5 հազար քաղաքական գործիչներ և պաշտոնյաներ։ Նման միջոցառումներն ուղղված են աշխարհի տարբեր տարածաշրջաններում ամերիկյան ազդեցության գործակալների բազա ձևավորելուն։ Գալյանը նախկինում էլ, երբ Հայաստանի գլխավոր դատախազի տեղակալն էր, շփվում էր ԱՄՆ Պետդեպարտամենտի պաշտոնյաների հետ։
Ինչպես արդեն մեկ անգամ չէ, որ նշել ենք, ամերիկացիները ներկայումս վերահսկողության տակ են վերցնում հանրապետության անվտանգության կառույցները։ Հայտնի է, որ Անվտանգության խորհրդի քարտուղար Արմեն Գրիգորյանին հանձնարարվել է մաքրել իշխանության ինստիտուտները ռուսամետ կադրերից։ Արդյունքում նորանշանակները, որպես կանոն, միշտ չէ, որ ունեն համապատասխան մասնագիտական մակարդակ, քանի որ նրանց նշանակման գործում մեծ դեր է խաղում նրանց ներգրավվածությունն արևմտյան դեսպանատների հետ աշխատանքների մեջ:
Նյութը հրապարակման պատրաստեց Կամո Խաչիկյանը
