«Հայաստանի Անվտանգության խորհուրդը պատրաստվում է «ռուս զինվորականներին ամբողջովին դուրս բերել»»
ՔԱՂԱՔԱԿԱՆՈՒԹՅՈՒՆ
Թուրքական Factor TV հեռուստաալիքին տված հարցազրույցում Հայաստանի Անվտանգության խորհրդի քարտուղար Արմեն Գրիգորյանը հայտարարել է երկրից ռուսական ռազմաբազան ամբողջությամբ դուրս բերելու Նիկոլ Փաշինյանի կառավարության ծրագրերի մասին, գրում է anna-news.info-ն։ Նրա կարծիքով «ռուս սահմանապահների դուրսբերումը սահմաններից կապված է Հայաստանի պաշտպանունակության բարձրացման հետ» և դա ըստ Ռուսաստանի հետ այն նախնական պայմանավորվածություն համաձայն, որ «եթե Հայաստանը կարողանա ինքնուրույն պաշտպանել իր սահմանները, ապա ռուս զինվորները դուրս կբերվեն»։ Գրիգորյանը պնդում է, որ դա կբարձրացնի Հայաստանի անվտանգությունը։
Հետաքրքիր է այն, որ Գրիգորյանի հարցազրույցում առկա է մի շատ ուշագրավ պահ: «Թեհրանն ունի հնարավորինս շատ տեղեկատվություն, այնքան որքան կարելի է, եվրոպացի դիտորդների առաքելության մասին...»։ Այդ խոսքերի վրա էլ Գրիգորյանի խոսքը կտրվում է, արտահայտությունը շարունակելու փոխարեն այլ հարցով կադր է հայտնվում։ Նկատելի է, որ Գրիգորյանը սկզբում ավելորդ բան է ասել, այսինքն այն, որ Իրանին պատմել է Եվրամիության բոլոր նպատակների մասին, սակայն սայթաքումից հետո ուղղվել է նշելով, որ Իրանին փոխանցած տեղեկատվությունը համապատասխանում է թույլատրելիության աստիճանին, բայց պարզ չէ, թե ո՞ւմ կողմից է դա թույլատրված։
Նշենք, որ Արմեն Գրիգորյանը հայտնի է իր ռուսաֆոբ ու հակառուսական հայտարարություններով։ Նա վերջերս մասնակցել է Ուկրաինայում պարենային անվտանգության վերաբերյալ առցանց կոնֆերանսին և հակառուսական «Զելենսկու բանաձևի» քննարկմանը։
Նշենք նաև, որ ավելի վաղ Փաշինյանը հայտարարել էր հայ-իրանական սահմանի հատվածից ռուս սահմանապահների դուրսբերման մասին, սակայն ընդունել էր հավանականությունը, որ ռուսական կողմը կշարունակի պահպանել հայ-թուրքական սահմանը։ Միևնույն ժամանակ Երևանն ակտիվ քայլեր է ձեռնարկում Թուրքիայի հետ դիվանագիտական հարաբերությունները վերականգնելու ուղղությամբ և սահմանային անցակետ է բացել օտարերկրյա քաղաքացիների և դիվանագիտական աշխատողների անցման համար։
Նյութը հրապարակման պատրաստեց Կամո Խաչիկյանը
