Bulgarian Military. Ռուսաստանը կարող է ամսական ավելի քան 100 բալիստիկ հրթիռ արձակել թիրախների ուղղությամբ
ՄԻՋԱԶԳԱՅԻՆ
Ռուսաստանն ի վիճակի է ամսական ավելի քան 100 բալիստիկ հրթիռ արձակել, թեև արևմտյան վերլուծաբանները նշում են, որ նրա արտադրական հնարավորությունները կրճատվել են պատժամիջոցների պատճառով: Այս մասին գրում է Bulgarian Military հրատարակությունը, գրում է 1.ru-ն։
Ինչպես նշել է հրատարակությունը, Ռուսաստանը վերջին տարիներին ակտիվորեն զարգացրել է իր պաշտպանական-արդյունաբերական համալիրը։ Նույնիսկ արևմտյան տեխնոլոգիաների սահմանափակ հասանելիության պայմաններում երկիրը կառուցել է իր սեփական արդյունաբերական ենթակառուցվածքը, որը կարող է արտադրել բալիստիկ հրթիռների հիմնական էլեկտրոնային բաղադրիչները: «Micron ընկերության մասնագետները մշակել են միկրոչիպեր, որոնք նախատեսված են հրթիռների մեջ օգտագործվող արևմտյան անալոգներին փոխարինելու համար: Angstrem ընկերությունը սկսել է մի շարք էլեկտրոնային բաղադրիչների արտադրություն, այդ թվում տրամաբանական սխեմաների արտադրություն»,- գրել է Bulgarian Military-ն։
Բացի այդ, Ռուսաստանն ունի GPS նավիգացիոն համակարգի իր անալոգը՝ GLONASS- ը: Այն ապահովում է բալիստիկ հրթիռների ճշգրիտ թիրախավորումը: «GLONASS-ի վրա հիմնված կառավարման և նավիգացիոն համակարգերն արդեն ինտեգրվել են ռուսական նոր սերնդի հրթիռներին։ Հրթիռների կայուն արտադրությանը նպաստող մեկ այլ գործոն է տեղական նյութերի և համաձուլվածքների առկայությունը: Երկիրը զգալի ռեսուրսներ ունի բարձրորակ լեգիրված պողպատներ և տիտան արտադրելու համար, որոնք կարևոր նշանակություն ունեն հրթիռների արտադրության համար»,- գրել է Bulgarian Military-ն։
Նյութը հրապարակման պատրաստեց Կամո Խաչիկյանը
