ՌԴ-ում թոքաբորբ է տարածվել. 252 հոսպիտալացված երեխա կա

Տարածաշրջանային առողջապահության նախարարության տվյալներով՝ Հարավային Ուրալում նկատվում է շնչառական վիրուսային վարակների դեպքերի աճ։ Շաբաթվա ընթացքում հիվանդանոց է դիմել մոտ 30 հազար մարդ,  թոքաբորբով հոսպիտալացվել է 252 երեխա։

Հաղորդվում է նաև, որ վարակվածների թվի աճ նկատվում է բոլոր տարիքային խմբերում, սակայն ամենից շատ նկատվել է մեծահասակների մոտ (32,2%)։ Միաժամանակ, մինչև սեպտեմբերի 25-ը Չելյաբինսկի մարզում թոքաբորբ ախտորոշմամբ հոսպիտալացվել է 252 երեխա։ Չելյաբինսկի մարզի առողջապահության նախարար Տատյանա Կոլչինսկայան մարզային առողջապահության նախարարությունում տարածաշրջանի համաճարակաբանական իրավիճակին նվիրված մամուլի ասուլիսում նշել է.

«Փորձում ենք հոսպիտալացնել փոքր երեխաներին, ովքեր չեն կարողանում գնահատել իրենց վիճակը, կամ դրանք երեխաներ են, որոնք ունեն ուղեկցող հիվանդություններ՝ բրոնխիալ ասթմա, շաքարախտ, ռևմատոիդ հիվանդություններ»։ Նախարարը, սակայն, այդ թիվը նախորդ տարիների համեմատ հոսպիտալացումների կտրուկ աճ չի անվանել։ Նկատվում է նաև միկոպլազմայի վարակի աճ, որը, ի թիվս այլ բաների, կարող է հանգեցնել թոքաբորբի:

Հիվանդությունների սեզոնի սկզբով պայմանավորված՝ բժիշկները հորդորում են երեխաներին չուղարկել դպրոց, եթե նրանք ունեն գրիպի  նույնիսկ սկզբնական ախտանշանները (թուլություն), որպեսզի վտանգի տակ չդնեն երեխայի, նրա դասընկերների և ուսուցիչների առողջությունը։