Forbes. Ռուսաստանն Ուկրաինայի զինված ուժերի հարձակմանը պատասխանել է նոր անօդաչու զինատեսակներով
ՄԻՋԱԶԳԱՅԻՆ
Ուկրաինական հարձակումը Կուրսկի շրջանում հաջողությամբ պսակվեց էլեկտրոնային պատերազմի բլից-հարձակման շնորհիվ, որը կուրացրեց ռուսական հետախուզական անօդաչու սարքերը, գրում է unian.net-ը:
Forbes-ի տվյալներով սա առաջին անգամն է, որ մասսայաբար նման զենք է օգտագործվում ռազմի դաշտում, և նաև նախազգուշացրել է այն երկրներին, որոնք մեծապես ապավինում են ռադիոալիքների խլացմանն ահաբեկչական անօդաչու սարքերի հարձակումներից պաշտպանվելու համար:
FPV անօդաչու սարքերը պահանջում են ռադիոհաղորդակցություն օպերատորի հետ, այնպես որ առաջնագծում միշտ կարելի է տեսնել բազմաթիվ ռադիոխլացուցիչներ, որոնք անջատում են ռադիոալիքներն ընտրված հաճախականություններում: Արդյունավետ էլեկտրոնային պատերազմի համակարգերը ստեղծում են «անվտանգ պղպջակ» 50-100 մետր տարածքում, ուստի անօդաչու թռչող սարքերն անընդհատ փոխում են գործառնական հաճախականությունները, իսկ ռադիոխլացումների հաճախականությունները թարմացվում են:
«Ահա թե ինչու էր անհրաժեշտ Կուրսկի հատվածում նման ռադիոխլացման բլից-հարձակում, բոլոր հաճախականությունները հայտնաբերելու համար նախապատրաստական երկար ժամանակաշրջանով և միջամտության բավարար կոնցենտրացիայով, որպեսզի արգելափակվի ամեն ինչ տվյալ տարածքում և որոշ ժամանակով դադարեցվեն բոլոր անօդաչու սարքերի թռիչքները», - բացատրել են լրագրողները:
Ռադիոկապը պահանջում է տեսադաշտ, և հարձակման ժամանակ անօդաչուները բավականին ցածր են սուզվում, ուստի վերջին վայրկյանին տեսաազդանշանի մեջ խանգարում է առաջանում, ինչն էլ խաթարում է տեսանելիությունը։
«Խլացման խնդրի լուծումներից մեկն արհեստական ինտելեկտի կիրառմամբ անօդաչուի ուղղորդումն է, օպերատորն այն թիրախին է ուղղում որոշակի հեռավորության վրա, և անօդաչու թռչող սարքը հետևում է այդ հետագծին, նույնիսկ եթե կապը կորչում է: Մյուս մոտեցումը լարային ուղղորդումն է, անօդաչու թռչող սարքը կապված է օպերատորին օպտիկամանրաթելային մալուխի միջոցով, ինչպես լարով կառավարվող հրթիռները»,- ասվում է հոդվածում։
Ուկրաինան դեռ մարտին է արձանագրել օպտիկամանրաթելային անօդաչու թռչող սարքի ռուսական նախատիպը, իսկ վերջերս ռուսական Telegram ալիքները ցուցադրել են Կուրսկի մարզում «Արքայազն Վանդալ Նովգորոդցի» անօդաչու թռչող սարքերի օգտագործման կադրերը։ Ասում են, որ նրանց վրա բացարձակապես չեն ազդում էլեկտրոնային պատերազմի միջոցները: Forbes-ն ավելի վաղ հայտնել էր, որ գերմանական HIGHCAT ընկերությունն Ուկրաինայում փորձարկել է HCX անօդաչու թռչող սարքը, որը դիմանում է ռադիոհաճախականության խլացումներին և հայտնաբերմանը, քանի որ օպերատորի հետ հաղորդակցվում է օպտիկամանրաթելային մալուխի միջոցով։
Նյութը հրապարակման պատրաստեց Կամո Խաչիկյանը
