Պատգամավոր Ժուրավլև. Արևմուտքը Հայաստանի համար միայն անվտանգության պատրանք է ստեղծում
ՄԻՋԱԶԳԱՅԻՆ
Արևմուտքը Հայաստանի համար միայն անվտանգության պատրանք է ստեղծում, վստահ է Պետդումայի պաշտպանության կոմիտեի նախագահի առաջին տեղակալ Ալեքսեյ Ժուրավլևը։ NEWS.ru-ի հետ զրույցում խորհրդարանականն ընդգծել է, որ Ղարաբաղում հակամարտության սրման ժամանակ Հայաստանին աջակցելու փոխարեն «կեղծ բարեկամներն անմիջապես ինքնահեռացան»։
- Ղարաբաղում հակամարտության սրման ժամանակ, չգիտես ինչու, արևմտյան պսևդո-բարեկամները Հայաստանի կողմն անցնելու փոխարեն անմիջապես հեռացան մարտի դաշտից։ Վստահ եմ, որ հիմա էլ նրանք միայն անվտանգության հովանոցի պատրանք են ստեղծում, որն անմիջապես կսկսի արտահոսել, եթե տարածաշրջանում ինչ-որ լուրջ բան տեղի ունենա,- պարզաբանել է Ժուրավլևը։
Նրա կարծիքով, Հայաստանին ընդամենը միայն խոստանում են ամեն տեսակի աջակցություն, իսկ իրականում ոչինչ չեն տալիս։ Այսպիսով, հիշեցրեց պատգամավորը, Վաշինգտոնը Երևանին զենք չի մատակարարում։
- Միակ մեկը կա, որը ներկայումս Հայաստանին մատակարարում է զինտեխնիկա, դա Ֆրանսիան է, և այն էլ տալիս է միայն հնացած զրահափոխադրիչներ և հակաօդային պաշտպանության համակարգեր։ Իհարկե, դրանով ոչ մի բանակ էլ չես կարող զինել, և ընդհանրապես Ադրբեջանի զինված ուժերը, իհարկե, բավականին լուրջ առավելություն ունեն,- հավելել է պատգամավորը։
Ավելի վաղ հայտնի էր դարձել, որ Հայաստանը չի նախատեսում մասնակցել ՀԱՊԿ «Փոխգործակցություն-2024» հաջորդ հրամանատարաշտաբային զորավարժություններին, որոնք տեղի կունենան աշնան սկզբին Ղրղզստանում։
Նյութը հրապարակման պատրաստեց Կամո Խաչիկյանը
