Զելենսկին ընդունել է ուկրաինական զորքերի՝ Ռուսաստանի տարածք ներթափանցելու փաստը
ՄԻՋԱԶԳԱՅԻՆ
Ուկրաինան գիտի, թե ինչպես վերադարձնել արդարությունը: Դա հենց այն է, ինչ հիմա անում են ուկրաինացի զինվորականները՝ «պատերազմը մղելով» ագրեսորի տարածք, ասել է երկրի նախագահ Վլադիմիր Զելենսկին, փոխանցում է РБК-Украина-ն։
Ուկրաինայի նախագահը հայտնել է, որ այսօր Ուկրաինայի զինված ուժերի գերագույն գլխավոր հրամանատար Ալեքսանդր Սիրսկին արդեն մի քանի անգամ զեկուցել է իրեն ռազմաճակատում տիրող իրավիճակի մասին։
«Ճակատի և մեր գործողությունների և պատերազմը ագրեսորի տարածք մղելու մասին»,- պարզաբանել է Զելենսկին։
Նա շնորհակալություն է հայտնել բոլոր զինվորականներին, ովքեր օգնում են դրան։
«Ուկրաինան ապացուցում է, որ իսկապես գիտի, թե ինչպես վերականգնել արդարությունը և երաշխավորում է հենց այնպիսի ճնշում, որն անհրաժեշտ է՝ ագրեսորի վրա ճնշում գործադրելու համար», - ասել է Զելենսկին։
Ուկրաինայի Զինված ուժերը օգոստոսի 6-ի առավոտյան ներխուժել են Կուրսկի շրջանի տարածք։ Չորս օրվա ընթացքում նրանք վերահսկողության տակ են վերցրել առնվազն 20 բնակավայր՝ զբաղեցնելով մոտ 100 քմ։ կմ տարածք։ Դրանից հետո նրանք սկսել են շարժվել դեպի Լգով, որը գտնվում է մոտ 15 կմ հեռավորության վրա։
Ուկրաինական բանակը նույնպես առաջ է շարժվում դեպի Ռիլսկ։ Լգովի և Ռիլսկի նկատմամբ վերահսկողությունը թույլ կտա Ուկրաինայի Զինված ուժերին «շարժվել դեպի արևելք՝ դեպի Կուրչատով, որտեղ գտնվում է ատոմակայանը», - նշել է ռազմական ինֆորմատորը։
Ուրբաթ օրը՝ օգոստոսի 9-ին, Կուրչատովի քաղաքային վարչակազմի ղեկավար Իգոր Կորպունկովը հայտնել է, որ մարտերը ընթանում են քաղաքից «մի քանի տասնյակ կիլոմետր հեռավորության վրա»։ Այնուամենայնիվ, նա տեղի բնակիչներին հորդորեց խուճապի չմատնվել և ասաց, որ քաղաքի բոլոր բիզնեսները գործում են «նորմալ ռեժիմով»:
