Մարդու ինտելեկտի գործակիցը (IQ-ն) մեծապես կախված է գենետիկ գործոններից
ՀԱՍԱՐԱԿՈՒԹՅՈՒՆ
Մարդու ինտելեկտի գործակիցը (IQ-ն) մեծապես կախված է գենետիկ գործոններից, գրում է health.mail.ru-ն: Այդ եզրակացությանն են հանգել Կալիֆոռնիայի համալսարանի մի խումբ գիտնականներ։ Հետազոտությունը հրապարակվել է Personality and Individual Differences (PID) գիտական ամսագրում: Փորձագետներն ամփոփել են միաձվային երկվորյակների մասնակցությամբ երկարաժամկետ փորձի արդյունքները: Միաձվային կամ մոնոզիգոտ երկվորյակները մեծ հետաքրքրություն են ներկայացնում հետազոտողների համար, քանի որ նրանց գենետիկական նյութը 100%-ով համընկնում է, մինչդեռ ոչ միաձվային եղբայրներն ու քուրերը գենետիկորեն նույնն են միայն 50%-ով: Փորձը ներառել էր երեք առանձին խմբեր՝ մոնոզիգոտ երկվորյակներ Չինաստանից, որոնք մեծացել էին առանձին, մոնոզիգոտ երկվորյակներ Դանիայից, որոնք նույնպես առանձին էին մեծացել, և «վիրտուալ երկվորյակներ»՝ նույն տարիքի ոչ մոնոզիգոտ եկվորյակներ, որոնք մեծացել էին միասին, բայց կենսաբանորեն կապված չեն միմյանց հետ: Հետազոտությունը չափել է երկվորյակների ինտելեկտը երկու ժամանակային կետերում՝ օգտագործելով տարիքին համապատասխան Wechsler IQ թեստը:
Արդյունքները ցույց են տվել, որ առանձին մեծացած չինացի երկվորյակները ժամանակի ընթացքում ավելի շատ են նման IQ միավորներ ունեցել: IQ-ի միավորների միջև զույգերի միջև տարբերությունը առաջին թեստի ժամանակ միջին 11,93 միավորից նվազել է մինչև 7,93 միավոր երկրորդ թեստի ժամանակ: Դա նշանակում է, որ երբ երկվորյակները մեծանում են, նրանց ընդհանուր գենետիկ կառուցվածքը ավելի կարևոր դեր է խաղում նրանց ինտելեկտի որոշման հարցում, չնայած այն հանգամանքին, որ նրանք մեծացել են տարբեր միջավայրերում: Նմանապես, առանձին դաստիարակված դանիացի չափահաս երկվորյակները նույնպես ժամանակի ընթացքում ցույց են տվել IQ-ի նմանության աճ, ընդ որում նրանց հարաբերակցությունը առաջին թեստի ժամանակ 0,64-ից աճել է մինչև 0,74 երկրորդ թեստում:
Ի տարբերություն առանձին դաստիարակված երկվորյակների, վիրտուալ երկվորյակները ժամանակի ընթացքում ցույց են տվել IQ-ի նմանության նվազում: Նրանց IQ միավորների ներդասակարգային հարաբերակցությունը առաջին թեստի ժամանակ իջել է 0,30-ից մինչև 0,11 երկրորդ թեստի ժամանակ, ինչը ցույց է տալիս, որ ընդհանուր միջավայրի ազդեցությունը ինտելեկտի վրա նվազում է, երբ մարդիկ մեծանում են: Հետազոտությունը ցույց է տվել, որ չնայած ինտելեկտի մակարդակը կարող է փոխվել ժամանակի ընթացքում, բայց այդ փոփոխությունների ուղղությունն ու չափը կախված են գենետիկ գործոններից:
Նյութը հրապարակման պատրաստեց Կամո Խաչիկյանը
