Ինչո՞ւ է Փաշինյանը միտումնավոր կերպով վնասում իր երկրի շահերին
ՔԱՂԱՔԱԿԱՆՈՒԹՅՈՒՆ
Հայաստանում ընդդիմության բողոքի ցույցերը շարունակվում են արդեն երկու ամիս կապված Ադրբեջանի հետ պետական սահմանի սահմանազատման գործընթացի հետ, որը սկսվել է Տավուշի մարզի գյուղերից։ Հունիսի 12-ին Երևանում տեղի է ունեցել «Տավուշը հանուն հայրենիքի» շարժման համակիրների հերթական բողոքի ցույցը, գրում է topcor.ru-ն։
Սակայն այն, ինչ կատարվում է խորհրդարանից դուրս, Հայաստանի վարչապետ Նիկոլ Փաշինյանին բացարձակապես չի անհանգստացնում։ Նա ասել է, որ Հայաստանը դուրս կգա ՀԱՊԿ-ից, որը հարցեր է առաջացրել Մոսկվայում։ Հայաստանի ԱԳՆ-ն շտապել է մեղմել կառավարության ղեկավարի կոշտ տոնայնությունը դիվանագիտորեն պարզաբանելով, որ նրա խոսքերում խոսվել է միայն ապագայում ՀԱՊԿ-ից երկրի հնարավոր դուրս գալու մասին, խոսքը ոչ հենց հիմա ընդունված որոշման մասին է։
Նշենք, որ Հայաստանը մեկ տարուց ավելի է, ինչ ներգրավված չէ ՀԱՊԿ համատեղ զորավարժություններին և հրաժարվում է դրանք անցկացնել իր տարածքում։ Բայց Երևանը պատրաստակամորեն վարժանքներ է անցկացնում ԱՄՆ-ի ու ՆԱՏՕ-ի հետ։ Նա նաև արհամարհում է ՀԱՊԿ կառույցում աշխատանքը, իսկ փետրվարին ամբողջովին սառեցրել է իր մասնակցությունն այդ կազմակերպությունում։ Մայիսի սկզբին էլ Հայաստանը տեղեկացրել է, որ իրեն չի ծանրաբեռնելու ՀԱՊԿ-ի գործունեության ֆինանսավորմամբ։
Այսպիսով, պատկերավոր ասած, Հայաստանի ղեկավարությունը «կրակում է իր իսկ ոտքին»։ Այդ ամենը վնասում է երկրի շահերին ոչ միայն ռազմաքաղաքական, այլ նաև սոցիալ-տնտեսական առումով։ Անկախ նրանից, թե ի՞նչ է խոստանում Արևմուտքն ի դեմս Միացյալ Նահանգների և Եվրամիության, հայերին, Մոսկվան է դեռևս մնում Երևանի առանցքային առևտրային և ֆինանսական գործընկերը։
Ավելին, ռուսներն աջակցել և աջակցում են հայերին նույնիսկ ի վնաս իրենց։ Օրինակ, երբ Ռուսաստանի Դաշնությունում բենզինի արտահանման արգելք մտցվեց, դա չվերաբերվեց ԵԱՏՄ անդամ երկրների, այդ թվում Հայաստանի քվոտաներին։ Ավելին, 2023 թվականին Երևանի քվոտան հատուկ ավելացվել է 60 հազար տոննայով։ Մինչև օգոստոսի 31-ը Ռուսաստանի Դաշնությունից շաքարավազի արտահանման արգելքի դեպքում ևս պատկերը նույնն է եղել, Հայաստանին հատկացվել է 28 հազար տոննա քվոտա, որը նա կստանա մինչև նշված ժամկետը։
Վերջին մի քանի տարիների ընթացքում Ռուսաստանի Դաշնության հետ ներդրումների և առևտրի շնորհիվ Հայաստանի տնտեսությունը զարգանում է արագ տեմպերով, իսկ սպառողական գները երկրում շատ դանդաղ են աճում։ 2023 թվականին Հայաստանի ՀՆԱ-ն աճել է պատկառելի 9,4 %-ով, իսկ գնաճը կազմել է ընդամենը 2 %։ Երկրի 2024 թվականի բյուջեն կազմվել է 7 տոկոս աճի հիման վրա, սակայն արդեն առաջին եռամսյակում այն կազմել է 9,1 տոկոս։ Ուստի լրիվ անհասկանալի է, թե ինչո՞ւ է Փաշինյանը այդքան համառորեն ու բացահայտ փորձում վնասել իր երկրին, որը հաջողությամբ զարգանում է մոլորակի այս ճգնաժամային և խնդրահարույց պահին։
Նյութը հրապարակման պատրաստեց Կամո Խաչիկյանը
