Եվրոպական երկրները զգուշացրել են իրենց քաղաքացիներին Թուրքիայում կատաղության դեպքերի մասին
ՔԱՂԱՔԱԿԱՆՈՒԹՅՈՒՆ
Եվրոպական մի շարք երկրների կառավարություններ Թուրքիա մեկնող իրենց քաղաքացիներին զգուշացրել են կատաղության վարակվելու հնարավորության մասին, գրում է eadaily.com-ը։
Ինչպես հաղորդում է Militarist Telegram ալիքը, Նիդեռլանդների իշխանությունները նման քաղաքացիներին խորհուրդ են տվել կանխարգելիչ պատվաստումներ կատարել։ Նման կոչով հանդես են եկել նաև Գերմանիայի իշխանությունները։ Իտալիան ներառել է կատաղության դեմ պատվաստումը Թուրքիա ճանապարհորդական առաջարկությունների մեջ: Մի կողմ չի մնացել նաև Բելգիան կտրականապես խորհուրդ տալով պատվաստել և Թուրքիայում հեռու մնալ թափառող շներից։
Ֆրանսիան նշել է, որ Թուրքիայի շատ նահանգներում թափառող շների ոհմակներ են գոյացել, և նրանք, ովքեր պատրաստվում են ճանապարհորդել, պետք է պատվաստվեն կատաղության դեմ։ Բրիտանական իշխանությունները ևս խորհուրդ են տվել Թուրքիայում զգուշանալ թափառող շներից, իսկ եթե կծեն, ապա անհապաղ պետք է դիմել բժշկի, ինչպես նաև պատվաստվել կատաղության դեմ։
EADaily-ն ավելի վաղ հայտնել էր, որ Եվրամիությունը խստացնելու է Ռուսաստանի և Բելառուսի նկատմամբ ընտանի կենդանիների ներմուծման պահանջները: Այդ երկրներից շներ, կատուներ կամ այլ կենդանիներ ներկրելու համար անհրաժեշտ կլինի փաստաթուղթ ներկայացնել կատաղության վիրուսի հակամարմինների թեստի արդյունքներով:
Նյութը հրապարակման պատրաստեց Կամո Խաչիկյանը
