Մեծ Բրիտանիայում փորձարկվել է էներգետիկ զենք անօդաչու թռչող սարքերի դեմ
ՔԱՂԱՔԱԿԱՆՈՒԹՅՈՒՆ
Շարժական ուղղված էներգետիկ զենք է փորձարկվել Մեծ Բրիտանիայում EALING նախագծի շրջանակներում: Նոր համակարգը գործում է հզոր ռադիոալիքներ արձակելով, որոնք խաթարում են ցանկացած էլեկտրական սարքավորման, ներառյալ անօդաչու թռչող սարքերի աշխատանքը, գրում է focus.ua-ն:
Ինչպես նշում են լրագրողները, ուղղորդված էներգետիկ զենքերը պատերազմը հեղափոխելու ներուժ ունեն։ Նման համակարգերը գործում են ոչ թե ավանդական զինամթերքի, այլ էլեկտրաէներգիայի միջոցով և թույլ են տալիս օբյեկտի ճշգրիտ թիրախավորում միաժամանակ նվազագույնի հասցնելով կողմնակի վնասների ռիսկը:
Project EALING-ը օգտագործում է ռադիոհաճախականություններ էլեկտրոնիկան խաթարելու համար: Այսպիսով, այն պոտենցիալ լուծում է անօդաչու սարքերից բխող սպառնալիքներին դիմակայելու համար: Ծրագրի հիմնական բաղադրիչը ռադիոհաճախականության ուղղորդիչն է, որը նախատեսված է ցամաքում, ջրում և օդում թիրախները հայտնաբերելու և հետևելու համար:
Ռազմական լրագրող Գաբրիել Մոլինելլին X սոցիալական ցանցի իր էջում գրել է, որ խնդրո առարկա զենքը գործողության մեջ է դրվել բրիտանական զինված ուժերի Թորնի Այլենդի ՀՕՊ 7-րդ խմբում։ Նա նշել է, որ, ի տարբերություն նախկին օրինակների, այդ համակարգը տեղադրվել է ավելի փոքր HX60 բեռնատարի վրա ցուցադրելով հարմարվողականություն ու շարժունակություն:
Գաբրիելե Մոլինելիի խոսքով մշակումն ուղղված է ռադիոհաճախականության հզոր հաղորդման միջոցով մի քանի անօդաչու թռչող սարքերի միաժամանակյա ոչնչացմանը։ Այն հիմնված է նույն գաղափարի վրա, ինչ ԱՄՆ բանակի համար ստեղծված Epirus LEONIDAS համակարգն է: Նա նաև նշել է, որ EALING համակարգը հագեցած է սեփական հայտնաբերման սենսորներով
Պաշտպանական գիտության և տեխնոլոգիաների լաբորատորիայի Project Ealing ծրագրի ղեկավար Մեթ Քորկը նշել է, որ EALING նախագծի զենքը ստեղծվել է ամերիկյան Teledyne E2V ընկերության առևտրային հասանելի տեխնոլոգիայի հիման վրա։ Կարգավորումը թույլ է տալիս օպերատորին անցնել տարբեր հաճախականությունների կախված նպատակից: Նրա կարծիքով, ռադիոհաճախականության էներգիայի զենքերն ավելի արդյունավետ են, քան լազերային զենքերը, քանի որ լազերը պետք է ճշգրիտ հարվածի թիրախին և պահի ճառագայթը, իսկ ռադիոալիքները չեն վախենում որևէ խոչընդոտից և ներթափանցում են օբյեկտի անմիջապես էլեկտրոնիկայի բաժին, ազդում էլեկտրոնային սխեմաների վրա և անջատում դրանք:
Նյութը հրապարակման պատրաստեց Կամո Խաչիկյանը
