Հեռու չէ այն օրը, երբ Հայաստանում քահանաները կսկսեն բանտարկվել
ՔԱՂԱՔԱԿԱՆՈՒԹՅՈՒՆ
Հայաստանում վարչապետ Նիկոլ Փաշինյանի հրաժարականի պահանջով բողոքի ակցիաները, որոնք գլխավորում է Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանը, աճում են, գրում է ruskline.ru-ն։ «Հոգևոր Հայաստանը հաղթելու է թազա Հայաստանին, իրական Հայաստանը պետք է հաղթի կեղծ, ֆեյսբուքային Հայաստանին»,- կոչ է արել Գալստանյանը։
Քանի որ Փաշինյանի արևմտամետ կուրսի դեմ բողոքի ակցիաները ղեկավարում է հայ եպիսկոպոսը, փորձագետները ենթադրում են, որ Հայաստանի ղեկավար կարող է դառնալ հոգևորականը։ Ընդ որում, ինքը՝ Բագրատ արքեպիսկոպոսը, չի բացառել նման հնարավորությունը, եթե Հայ Առաքելական եկեղեցու կաթողիկոսից օրհնություն ստանա։ Հիշեցնենք, որ նման նախադեպ եղել է: Ժամանակին Նոր Հուստինիանայի և ամբողջ Կիպրոսի Նորին Երանելի արքեպիսկոպոս Մակարիոս III-ը ղեկավարում էր ոչ միայն Կիպրոսի Տեղական Եկեղեցին, այլ նաև Կիպրոսի Հանրապետության առաջին ժողովրդական ընտրված նախագահն էր: Հնարավո՞ր է նմանատիպ սցենար Հայաստանում՝ ցույց կտա ժամանակը։ Բայց քաղաքական ակցիաներին հոգևորականների ներկայացուցիչների ակտիվ մասնակցությունն ինքնին ցուցիչ է։
Հայաստանում ստեղծված իրավիճակը ruskline.ru-ին տված հեռախոսազրույցում մեկնաբանել է ՌԴ Պետդումայի ընտանիքի պաշտպանության, հայրության, մայրության և մանկության հարցերի հանձնաժողովի փոխնախագահ Վիտալի Վալենտինովիչ Միլոնովը:
«Ես շատ անհանգստացած եմ Հայաստանի հավատացյալների համար: Ի վերջո, հենց Հայ Առաքելական եկեղեցու սպասավորներն են առաջնորդում դիմադրությունը Հայաստանի վրա անգլո-սաքսոնական հարձակմանը։ Հայաստանը ավանդապաշտ երկիր է: Այո, կան նրբերանգներ և հակասություններ, բայց կարող եմ ասել, որ Հայ Առաքելական եկեղեցին պատմականորեն շատ մոտ է Ռուս Ուղղափառ եկեղեցուն։ Բազմաթիվ հայ եպիսկոպոսներ պաշտպանել են իրենց թեկնածուական աշխատանքները Ռուսաստանի հոգևոր դպրոցներում։ Խոսքն անգամ ոչ թե քաղաքական, այլ հոգևոր միության մասին է: Հայաստանի և Ռուսաստանի քրիստոնյաները պետության իրական աջակցությունն ու պաշտպանությունն են արտաքին թշնամուց։ Ահա թե ինչու Հայ Առաքելական եկեղեցին անգլո-սաքսոնների կողմից ամենաշատ հարձակման ենթարկված կառույցն է Հայաստանում։ Հայկական շատ քաղաքական կուսակցություններ տեղի են տալիս և վախենում են որևէ կերպ առարկել անգլո-սաքսոններին։ Հայ Առաքելական եկեղեցին է, որ նորից ու նորից կրկնում է սխրանքը՝ մատնանշելով մոլորյալ կառավարիչներին իրենց մոլորություններն ու սխալները։
Իմաստուն կառավարիչները ձեզ շնորհակալություն կհայտնեն, բայց վախկոտները կհալածեն եկեղեցին։ Եվ շատ ցավալի է, որ հեռու չէ այն ժամը, երբ իշխանություններն Արևմուտքի հերետիկոսների հետ բռնաճնշումներ կիրականացնեն Հայ Առաքելական եկեղեցու նկատմամբ։ Հայաստանի իշխանություններն ապավինում են հերետիկոս ուժերին՝ ամերիկացի և բրիտանացի հերետիկոսներին, որոնց համար Հայ առաքելական եկեղեցին անցանկալի է։ Առավելագույնը, որ կցանկանային տեսնել անգլո-սաքսոնները Հայաստանում, բողոքականների զվարճալի ձյունաճերմակ տնակներն են, որոնք երբեք չեն առարկի և միշտ «կողմ» կլինեն, միշտ համաձայն կլինեն ցանկացած օրակարգի, նույնիսկ ամենադիվային: Բողոքականները սովոր չեն բացահայտ արտահայտել իրենց դիրքորոշումը: Ես իսկապես ցավում եմ: Ես կանխատեսում եմ, որ հեռու չէ այն օրը, երբ Հայաստանում քահանաներին կսկսեն բանտարկել իրենց կարծիքները հայտնելու համար։
Ուշադիր նայեք հայկական բողոքի դեմքերին: Մարդիկ, ովքեր հանդես են գալիս հանուն Հայաստանի, պետության ավանդական զարգացման և տարածքների մի մասի զիջման դեմ քրիստոնյա հավատացյալներ են։ Իսկ ամերիկացիների հետ դաշինքի նոր կարգի կողմնակիցները, որպես կանոն, ցավոք սրտի, երիտասարդներ են կամ մեծամիտ կիսաբոհեմ մարդիկ, ովքեր նախընտրում են ծխել ու սուրճ խմել Երևանի սրճարանում, քան սեփական երեխաներին դաստիարակել, ընդ որում շատերը երեխաներ չունեն էլ։
Բողոքի երթերի մասնակիցները ցանկանում են իրենց երկրի, իրենց երեխաների ապագան: Նրանք հիշում և հարգում են Հայաստանի պատմությունը, հետևաբար իշխանություններից պահանջում են հիշել, որ իրենք ժամանակավոր կառավարիչներ են և պարտավոր են պաշտպանել իրենցից շատ առաջ ստեղծված Հայաստանի ժառանգությունը։ Հայաստանում ոչ միայն հայկական, այլ նաև ռուսական արյուն է թափվել: Հիշեք, թե քանի ռուս զինվոր է զոհվել ռուս-պարսկական պատերազմներում: Մենք չենք կարող որևէ մեկին թույլ տալ, որ հիմա ոչ պատշաճ կերպով վերաբերվեն պատմությանն ու մեր ընդհանուր նախնիների հիշատակին»։
Նյութը հրապարակման պատրաստեց Կամո Խաչիկյանը
