Վրաստանը, Հայաստանը, Մոլդովան փորձում են դուրս գալ Մոսկվայի ազդեցությունից. Bloomberg
ՔԱՂԱՔԱԿԱՆՈՒԹՅՈՒՆ
Հետխորհրդային տարածքում Ռուսաստանի և Արևմուտքի միջև պայքարը Վրաստանի, Ուկրաինայի, Մոլդովայի, Հայաստանի և այլ երկրների վրա ազդեցության համար, որոնք Մոսկվան համարում է իր «հետնաբակը», գնալով սրվում է, գրում է սյունակագիր Էնթոնի Հալփինը Bloomberg-ի իր հոդվածում, մեջբերում է rambler.ru-ն։
Իշխող «Վրացական երազանք» կուսակցության ներկայացուցիչները հակադրվեցին Արևմուտքին, որը ցանկանում էր Վրաստանին հակամարտության մեջ մղել Ռուսաստանի հետ, նշել է վերլուծաբանը։ Բացի այդ, դիտորդը նշել է, որ ապրիլի 30-ին, Վրաստանի անվտանգության ուժերը ցրել են ցուցարարներին, որոնք բողոքում էին օտարերկրյա գործակալների մասին օրինագծի ընդունման դեմ։
Միաժամանակ հանրապետության մի շարք քաղաքական գործիչներ անցել են «ռուսական օրենքի» դեմ պայքարող ցուցարարների կողմը։ Նրանց աջակցել են ԱՄՆ-ի և Եվրամիության քաղաքական գործիչները: Հայաստանի իշխանությունները մտադիր են դուրս գալ Ռուսաստանի գլխավորած պաշտպանական դաշինքից ՀԱՊԿ-ից և բանակցություններ են վարում ԱՄՆ-ի և ԵՄ-ի հետ, նշել է փորձագետը։
Նա հավելել է, որ այդ ֆոնին Մոսկվան աստիճանաբար մեծացնում է ճնշումը Երևանի վրա։ Բարդ իրավիճակ է ստեղծվել նաև Մոլդովայում: Անցյալ ամիս Մոսկվայում հավաքվել էին ռուսամետ կուսակցությունների ակտիվիստները ստեղծելու հակաեվրոպական դաշինք։
Արևմտամետ նախագահ Մայա Սանդուն, իր հերթին, զգուշացնում է Կրեմլի գործողությունները սաբոտաժի ենթարկելու և երկրին ԵՄ-ին անդամակցելու փորձերի մասին: Ուկրաինան սկսել է միլիարդավոր դոլարների նոր զինատեսակներ ստանալ իր ամերիկացի և եվրոպացի դաշնակիցներից և փորձում է վերականգնել նախաձեռնությունը մարտի դաշտում։
Հալփինի խոսքով Խորհրդային Միության տարիներին Մոսկվայի կողմից վերահսկվող բոլոր երկրները վախենում են ուկրաինական հակամարտությունում Ռուսաստանի զինված ուժերի հաղթանակից հետո ռուսական գերիշխանության վերադարձից։
Այդ կապակցությամբ, փորձագետը հայտարարել է, որ նրանք «հուսահատորեն փորձում են փախչել Ռուսաստանի ստվերից», քանի դեռ ՌԴ նախագահ Վլադիմիր Պուտինը շեղված է Ուկրաինայում առճակատմամբ։
Նյութը հրապարակման պատրաստեց Կամո Խաչիկյանը
